Computer man Computer man
ព័ត៏មានជាតិ

អាជ្ញាធរមីន នឹងរៀបចំតាំងពិព័រណ៍ខួប៣០ឆ្នាំ នៃសកម្មភាពមីននៅកម្ពុជា រយៈពេលពីរថ្ងៃនៅមជ្ឈមណ្ឌលសន្និបាត និងពិព័រណ៍កោះពេជ្យ


ភ្នំពេញ៖ ចាប់ពីថ្ងៃទី២១-២២ ខែវិច្ឆិកា ឆ្នាំ២០២២ អាជ្ញាធរកម្ពុជា គ្រប់គ្រងសកម្មភាពកំចាត់មីន និងសង្គ្រោះជនពិការដោយសារមីន សហការជាមួយ ប្រតិបត្តិករសកម្មភាពមីនជាតិ អន្តរជាតិ និងអង្គការសង្គមស៊ីវិល សរុបចំនួន ២១ ស្ថាប័ន នឹងមានការរៀបចំការតាំងពិព័រណ៌ជាសាធារណៈនូវខួប៣០ឆ្នាំ នៃសកម្មភាពមីននៅកម្ពុជា សម្រាប់រយៈពេលពីរថ្ងៃ នៅមជ្ឈមណ្ឌលសន្និបាត និងពិព័រណ៍កោះពេជ្រ ដោយមានស្តង់ចំនួន ៥២ ដាក់តាំងបង្ហាញ។

ក្នុងនាមសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាប្រធានអាជ្ញាធរមីនឯកឧត្ដមទេសរដ្ឋមន្ត្រី លី ធុជ ​នឹងអញ្ជើញជាអធិបតីភាពក្នុងពិធីបើកពិព័រណ៍ជាផ្លូវការ នៅព្រឹកវេលាម៉ោង ០៩:០០ ព្រឹកថ្ងៃទី២១ ខែវិច្ឆិកា ឆ្នាំ ២០២២ ដោយមានការចូលរួមអបអរសាទរពីសំណាក់ភ្ញៀវជាតិ និងអន្តរជាតិ ព្រមទាំងសិស្សានុសិស្សប្រមាណ ៣០០នាក់ផងដែរ។

ការតាំងពិព័រណ៍នេះ នឹងអនុញ្ញាតឲ្យចូលរួមទស្សនាដោយសេរី និងមានដាក់តាំងបង្ហាញពីសមិទ្ធផលសកម្មភាពមីនរយៈពេល៣០ឆ្នាំ ឧបករណ៍ ម៉ាស៊ីន គ្រឿងចក្របោសសម្អាតមីន ការបង្ហាញការដោះមីនដោយដៃ ព្រមទាំងការប្រើប្រាស់ប្រព័ន្ធហិតរកមីន និងសំណល់ជាតិផ្ទុះពីសង្គ្រាម ដោយសត្វ (សុនខ និងកណ្តុរ)។

បន្ថែមលើនេះ ក៏មានការបង្ហាញពីកិច្ចសង្គ្រោះជនរងគ្រោះ ការអប់រំកាត់បន្ថយគ្រោះថ្នាក់ ការប្រើប្រាស់បច្ចេកវិទ្យាគ្រប់គ្រងព័ត៌មាន និងឧបករណ៍បច្ចេកទេសទំនើបៗ ក្នុងការដោះស្រាយបញ្ហាមីន និងសំណល់ជាតិផ្ទុះពីសង្រ្គាម៕


Click to comment

Leave a Reply

Your email address will not be published.

Most Popular

To Top