រដ្ឋមន្ត្រីក្រសួងសង្គមកិច្ច និងរដ្ឋមន្ត្រីក្រសួងបរិស្ថាន ចុះសួរសុខទុក្ខកងទ័ព នៅទីបញ្ជាការយោធភូមិភាគទី១
ភ្នំពេញ៖ ឯកឧត្តម វង សូត រដ្ឋមន្តី្រក្រសួងសង្គមកិច្ច អតីតយុទ្ធជន និងយុវនីតិសម្បទា រួមនិងឯកឧត្តមបណ្ឌិត សាយ សំអាល់ រដ្ឋមន្ត្រីក្រសួងបរិស្ថាន នៅថ្ងៃទី២១ ខែកញ្ញា ឆ្នាំ២០២២ បានចុះសួរសុខទុក្ខ និងនាំយកអំណោយទៅចែកជូនបងប្អូនកងទ័ព នៅទីបញ្ជាការយោធភូមិភាគទី១។
ឯកឧត្តម វង សូត និង ឯកឧត្តម បណ្ឌិត សាយ សំអាល់ ក្នុងនាមជាអង្គភាព សម្ព័ន្ធមេត្រីភាព ជាមួយទីបញ្ជាការយោធភូមិភាគទី១ បានសំដែងនូវការនឹករលឹកជាខ្លាំងចំពោះ បងប្អូនកងទ័ព និងបានពាំនាំ នូវការផ្តាំផ្ញើ សាកសួរសុខទុក្ខ ពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជា ណាចក្រកម្ពុជា និង សម្តេចគតិ ព្រឹទ្ធបណ្ឌិត ប៊ុន រ៉ានី ហ៊ុនសែន ដែលជានិច្ចកាល សម្តេចទាំងទ្វេរ តែងតែ យកចិត្ត ទុក្ខដាក់គិតគូរជាខ្លាំង ចំពោះសុខទុក្ខរបស់ បងប្អូនកងទ័ព យើងទូទាំងប្រទេស។
ឯកឧត្តមបានថ្លែងនូវការដឹងគុណជាពន្លឹក ចំពោះគំរូវីរៈភាពដ៏អង់អាចក្លាហានរបស់កងទ័ព ដែលបានប្រយុទ្ធ តស៊ូ ប្តូរផ្តាច់ ការពារឯករាជ្យ អធិប្បតេយ្យជាតិ បូរណភាពទឹកដី ការពាជាតិ សាសនា ព្រះមហាក្សត្រ ការពាររដ្ឋធម្មនុញ្ញ ការពាររាជរដ្ឋា ភិបាល ស្របច្បាប់ដែលដឹកនាំដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជា ណាចក្រកម្ពុជា។
ឯកឧត្តមបានលើកឡើងអំពីគោលនយោបាយរបស់រាជរដ្ឋា ភិបាល ក្នុងការពន្លឿនការអភិវឌ្ឍន៍ប្រទេសជាតិ ឲ្យមាន ការ រីក ចំរើន រុងរឿងពីមួយថ្ងៃទៅមួយថ្ងៃ កាត់បន្ថយភាពក្រីក្រពី ប្រជាពលរដ្ឋដែល ងាយ រងគ្រោះទូទាំង ប្រទេសក្រោយវិបត្តិ ជម្ងឺ រាតត្បាត កូវីដ ១៩ ហើយគោលនយោបាយចែកប្រាក់ឧបត្ថម្ភដល់គ្រួសារក្រីក្រតាមរយៈប័ណ្ណប.ស.ស នៅតែបន្តចែក រហូតមក ដល់សព្វថ្ងៃនេះ និងមានបន្តជានិច្ចទៅខាងមុខទៀត។
ឧត្តមសេនីយ៍ឯក ហួត ឈាង មេបញ្ជាការរងកងទ័ពជើងគោក មេបញ្ជាការយោធភូមិភាគទី១ តំណាងឲ្យនាយទាហាន នាយទាហានរង និងពលទាហានទូទាំងយោធភូមិភាគទី១ បានធ្វើការប្តេជ្ញាចិត្តថា កងទ័ពទូទាំង យោធភូមិភាគទី១ ប្តេជ្ញា ជឿជាក់ ស្មោះត្រង់ដាច់ខាតចំពោះការដឹកនាំរបស់រាជរដ្ឋាភិបាល ដែលដឹកនាំដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជា ណាចក្រកម្ពុជា ការពារបូរណភាពទឹកដី ការពាជាតិ សាសនា ព្រះមហាក្សត្រ ការពាររដ្ឋធម្មនុញ្ញ មិនឲ្យខ្មាំងសត្រូវ ណា រំលោភបំពានបានឡើយ ។
ក្នុងឱកាសនោះ ឯកឧត្តមរដ្ឋមន្ត្រីទាំងពីររូបបានជូនអំណោយ ជាថវិកាដល់យោធិនចំនួន ១១២៤នាក់ ក្នុងម្នាក់ៗថវិកាដប់ម៉ឺនរៀល ជូនថវិការដល់ទីបញ្ជាការយោធភូមិភាគទី១ ចំនួន ១ម៉ឺនដុល្លាសហរដ្ឋអាមររិក និងរួមមានសម្ភារៈប្រើប្រាស់ ឱសថ និងគ្រឿងឧបភោគបរិភោគមួយចំនួនទៀត៕
