អគ្គនាយកអង្គភាពសារព័ត៌មាន HOT News Asia ផ្ញើសាររំលែកទុក្ខដ៏ក្រៀមក្រំបំផុត ជាមួយក្រុមគ្រួសារក្មួយៗសិស្សានុសិស្ស ដែលបានស្លាប់បាត់បង់ជីវិត ក្នុងឧប្បទ្ទវហេតុលិចទូកដរ នៅស្រុកលើកដែក

ភ្នំពេញ៖ លោក ម៉ក់ ហ៊ាងរិទ្ធ អគ្គនាយកអង្គភាពសារព័ត៌មាន HOT News Asia និងក្រុមគ្រួសារ បានផ្ញើសារចូលរួមរំលែកទុក្ខ និងសោកស្តាយជាពន់ពេក ចំពោះការបាត់បង់ជីវិតរបស់ក្មួយៗសិស្សសាលា ក្នុងឧប្បទ្ទវហេតុលិចទូកដរ នៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្តាល កាលពីព្រលប់ថ្ងៃទី១៣ ខែតុលា ឆ្នាំ២០២២ ។

ឧបហេតុការណ៍លិចទូកដរ បណ្តាលអោយបាត់បង់ជីវិតក្មួយៗសិស្សសាលាជាច្រើននាក់នេះ គឺជាសោកនាដកម្មដ៏សែនខ្លោចផ្សាមួយ និងជាការបាត់បង់នូវយុវជនបន្តវេន ដែលជាធនធានមនុស្សដ៏សំខាន់សម្រាប់ប្រទេសជាតិ នាពេលអនាគត ។

ជាមួយនឹងហេតុការណ៍នេះ វាពិតជាបាននិងកំពុងធ្វើឲ្យពុកម៉ែ បងប្អូន ដែលត្រូវជាលោកតា លោកយាយ ឪពុកម្តាយ អាណាព្យាបាល អ៊ំ ពូមី បងប្អូន នៃសពទាំងអស់ ឈឺចាប់ ក្តុកក្តួល ខ្លោចផ្សាចិត្ត រកអ្វីប្រៀបផ្ទឹមពុំបាន នៅពេលដែលទទួលបានដំណឹងដ៏ក្រៀមក្រំនេះ ពិសេសនៅពេលឃើញសាកសពកូន បង ប្អូន ដែលក្រុមសមត្ថកិច្ច រកឃើញ ពិតជាមិនអាចទទួលបាន ។

លោក ម៉ក់ ហ៊ាងរិទ្ធី សូមចូលរួមរំលែកទុក្ខដ៏ក្រៀមក្រំនេះជាមួយក្រុមគ្រួសារនៃសពក្មួយៗទាំងអស់ និងសូមឧទ្ទិសបួងសួងដល់គុណបុណ្យព្រះរតនត្រ័យ វត្ថុសក្តិសិទ្ធិទាំងអស់ក្នុងលោក សូមដឹកនាំដួងវិញ្ញាណក្ខន្ធរបស់ក្មួយៗទាំងអស់ដែលបានបាត់បង់ជីវិតក្នុងឧប្បវហេតុលិចទូកដរនេះ បានទៅកាន់សុគតិភពកុំបីខានឡើយ ៕