រដ្ឋបាលខេត្តព្រះសីហនុ ដាក់ធុងសំរាមសម្រាប់សំរាមស្ងួត នៅតាមបណ្តោយឆ្នេរ និងទីលានតេជោ
ភ្នំពេញ៖ លើកកម្ពស់អនាម័យបរិស្ថាន និងសោភ័ណភាពទីក្រុង រដ្ឋបាលខេត្តព្រះសីហនុ នៅព្រឹកថ្ងៃទី១៦ ខែតុលា ឆ្នាំ២០២២ បានដាក់ធុងសំរាមសម្រាប់សំរាមស្ងួត ដូចជា “សំបកដប និងសំបកកំប៉ុង” ចំនួន១០ធុង នៅតាមបណ្តោយឆ្នេរ និងទីលានតេជោ ក្រុងព្រះសីហនុ។
រដ្ឋបាលខេត្តព្រះសីហនុបញ្ជាក់ថា នេះជាការផ្សព្វផ្សាយ ដល់ប្រជាពលរដ្ឋ និងភ្ញៀវទេសចរទាំងអស់ ទុកដាក់សំរាមឱ្យបានត្រឹមត្រូវ ដើម្បីចូលរួមថែរក្សាអនាម័យបរិស្ថាន លើកកម្ពស់សោភ័ណភាពទីក្រុង ដើម្បីជំរុញកំណើនសេដ្ឋកិច្ចគ្រួសារនិងសេដ្ឋកិច្ចជាតិ៕
