ចិនចេញការប្រកាសអាសន្នពណ៌លឿងសម្រាប់ព្យុះទីហ្វុង Nalgae
ប៉េកាំង៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី៣១ ខែតុលា ឆ្នាំ២០១៨ថា ក្រុមសង្កេតការណ៍ជាតិរបស់ប្រទេសចិន នៅថ្ងៃចន្ទនេះ បានចេញការប្រកាសអាសន្នពណ៌លឿង សម្រាប់ព្យុះទីហ្វុង Nalgae ដែលជាព្យុះទី២២ នៅឆ្នាំនេះ ដែលត្រូវបានគេរំពឹងថា នឹងបោកបក់មកលើតំបន់ឆ្នេរភាគអាគ្នេយ៍ និងភាគខាងត្បូងរបស់ប្រទេស។
មជ្ឈមណ្ឌលឧតុនិយមជាតិបានអោយដឹងនៅក្នុងសេចក្តីថ្លែងការណ៍មួយថា ព្យុះត្រូពិចនឹងបន្តឆ្ពោះទៅភាគខាងលិចពីផ្នែកភាគខាងជើងនៃសមុទ្រចិនខាងត្បូងជាមួយនឹងការថយចុះបន្តិចម្តងៗចាប់ពីព្រឹកថ្ងៃអង្គារ។
យោងតាមមជ្ឈមណ្ឌលឧតុនិយមបានឱ្យដឹងថា តំបន់មួយចំនួននៅក្នុងខេត្ត Fujian ក្វាងទុង និងកោះតៃវ៉ាន់ ត្រូវបានគេរំពឹងថានឹងជួបព្យុះភ្លៀងចាប់ពីថ្ងៃច័ន្ទដល់ថ្ងៃអង្គារ ដោយសារព្យុះទីហ្វុង។
វាបានស្នើឱ្យតំបន់ដែលបានរៀបរាប់ខាងលើរៀបចំសម្រាប់ការងារសង្គ្រោះគ្រោះមហន្តរាយគ្រាអាសន្ន ខណៈដែលកប៉ាល់ និងទូកត្រូវបានស្នើសុំឱ្យជ្រកកោននៅក្នុងកំពង់ផែ។
ប្រទេសចិនមានប្រព័ន្ធព្រមានអាកាសធាតុដែលមានកូដពណ៌ចំនួនបួនសម្រាប់ព្យុះទីហ្វុងដែលមានពណ៌ក្រហមតំណាងឱ្យកម្រិតធ្ងន់ធ្ងរបំផុត បន្ទាប់មកគឺពណ៌ទឹកក្រូច លឿង និងខៀវ។
