ឧត្តមសេនីយ៍ឯក ហ៊ុន ម៉ាណែត ឧបត្ថម្ភកុំព្យូទ័រ ៤គ្រឿង ដល់តំបន់ប្រតិបត្តិការសឹករងបាត់ដំបង
ភ្នំពេញ៖ លោកឧត្តមសេនីយ៍ត្រី ហួម ខ្វែក មេបញ្ជាការ តំបន់ប្រតិបត្តិការសឹករងបាត់ដំបង នៅថ្ងៃទី៣១ ខែតុលា ឆ្នាំ២០២២ បានប្រគល់កុំព្យូទ័រយួដៃចំនួន ៤គ្រឿង ជាអំណោយដ៏ថ្លៃថ្លារបស់ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ជូនដល់នាយការិយាល័យ ផ្នែក សម្រាប់ប្រើប្រាស់តាមជំនាញនីមួយៗនៅក្នុងទីបញ្ជាការ តំបន់ប្រតិបត្តិការសឹករងបាត់ដំបង។
បន្ទាប់ពីទទួលអំណោយដ៏ថ្លៃថ្លានេះ ជំនួសមុខនាយការិយាល័យ ផ្នែក លោកមេបញ្ជាការ តំបន់ប្រតិបត្តិការសឹករងបាត់ដំបង បានថ្លែងអំណរគុណយ៉ាងជ្រាលជ្រៅចំពោះឯកឧត្តម ឧត្តមសេនីយ៍ឯក មេបញ្ជាការ កងទ័ពជើងគោក ជានិច្ចជាកាលតែងតែយកចិត្តទុកដាក់ឧបត្ថម្ភ ថវិកា សម្ភារៈ និងស្មារតីដល់គ្រប់បណ្ដាអង្គភាពចំណុះកងទ័ពជើងគោក ក៏ដូចជាតំបន់ប្រតិបត្តិការសឹករងបាត់ដំបងទទួលបាននាពេលនេះ។
ឧត្តមសេនីយ៍ត្រី មេបញ្ជាការ សូមគោរពជូនពរដល់ឯកឧត្តម អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក សូមជួបប្រទះតែសេចក្ដីសុខ និងសម្រេចជោគជ័យគ្រប់ភារកិច្ច៕
