អ្នកញៀនល្បែងស៊ីសងតាមអនឡាញ ខុសច្បាប់នៅក្រុងបាត់ដំបង ចំនួន១២នាក់ត្រូវសមត្ថកិច្ចបង្រ្កាប
ភ្នំពេញ៖ កាលពីថ្ងៃទី៥ខែវិច្ឆិកាឆ្នាំ២០២២ សមត្ថកិច្ចនគរបាលនៃស្នងការដ្ឋាននគរបាលខេត្តបាត់ដំបងបាន បញ្ជូនជនសង័្សយជាមុខសញ្ញាលួចលាក់ប្រព្រឹត្តល្បែងស៊ីសងតាមប្រព័ន្ធអនឡាញ Online ដោយខុសច្បាប់នៅក្នុងក្រុងបាត់ដំបងប្រុស ស្រីចំនួន១២នាក់ ទៅកាន់អយ្យការអមសាលាដំបូងខេត្តបាត់ដំបង។
ការឃាត់ខ្លួនអ្នកញៀនល្បែងព្រមទាំងអ្នកចាត់ចែងក្នុងនោះផង ធ្វេីឡេីងកាលពីថ្ងៃទី០៣ខែ ខែវិច្ឆិកា ឆ្នាំ២០២២ ទៅលេីទីតាំងចំនួន០៣ផ្សេងគ្នាក្នុងក្រុងបាត់ដំបង ដោយមានបទបញ្ជាដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ក្នុងនោះលោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ និងលោកវរសេនីយ៍ទោ ភួង ច័ន្ទតារា ស្នងការរងជំនួយការការងារការិយាល័យព្រហ្មទ័ណ្ឌកម្រិតស្រាល ដែលមានលោកវរសេនីយ៍ឯកឈឿង គឹមសុង នាយការិយាល័យនគរបាលព្រហ្មទ័ណ្ឌកម្រិតស្រាលបានដឹកនាំកម្លាំង រួមជាមួយសមត្ថកិច្ចនគរបាលក្រុងបាត់ដំបងដែលមានលោកវរសេនីយ៍ឯក ពេជ្រ សារ៉ែន ជាអធិការបាន អនុវត្តការងារនេះ ដែលមានតំណាងអយ្យការចូលរួម ក្រោមអធិបញ្ជាពីឯកឧត្តម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបង ។
ក្រោយធ្វេីការសាកសួរស្រាវជ្រាវរួចមកសមត្ថកិច្ចបានរៀបចំបញ្ជូនជូនពួកគាត់ទាំង១២នាក់ទៅអយ្យការអមសាលាដំបូង ខេត្តបាត់ដំបង អនុវត្តតាមផ្លូវច្បាប់៕
