ឯកឧត្តម កែប ជុតិមា អញ្ជើញជួបសំណេះសំណាល ជាមួយកងកម្លាំងការពារ គណៈប្រតិភូចូលរួមកិច្ចប្រជុំ នៅសណ្ឋាគារកាំបូឌីយ៉ាណា

ភ្នំពេញ៖ ឯកឧត្តម កែប ជុតិមា ប្រធានគណៈកម្មការទី៤ នៃរដ្ឋសភា និងជាប្រធានអនុគណៈកម្មការសន្តិសុខ សណ្តាប់ធ្នាប់ និងសង្គ្រោះបឋម នៃគណៈកម្មការរៀបចំមហាសន្និបាតលើកទី៤៣ នៃអន្តរសភាអាស៊ាន លោកជំទាវ អ៊ុន សុគន្ធា និងលោកជំទាវ ខុង ស៊ុនអេង នាថ្ងៃទី១១ ខែវិច្ឆិកា ឆ្នាំ២០២២ បានអញ្ជើញជួបសំណេះសំណាល និងថ្លែងអំណរគុណដល់កងកម្លាំងទាំងអស់ ដែលបានបំពេញភារកិច្ចការពារ អំឡុងពេលគណៈប្រតិភូអញ្ជើញចូលរួមក្នុងកិច្ចប្រជុំទល់មុខគ្នារវាងថ្នាក់ដឹកនាំសភាអាយប៉ា និងប្រមុខដឹកនាំអាស៊ាន (ASEAN-AIPA Leader’s Interface Meeting) នៅសណ្ឋាគារកាំបូឌីយ៉ាណា ចាប់ពីថ្ងៃទី៩-១១ ខែវិច្ឆិកា ឆ្នាំ២០២២ ប្រកបដោយការទទួលខុសត្រូវខ្ពស់លើភារកិច្ចរបស់ខ្លួន។

ក្នុងឱកាសនោះដែរ ឯកឧត្តមប្រធាន បានឧបត្ថម្ភថវិកាផ្ទាល់ខ្លួនដល់អង្គភាពទាំង៨ ដែលបានបំពេញភារកិច្ច ចាប់ពីថ្ងៃទី៩ ដល់ថ្ងៃទី១១ ខែវិច្ឆិកា ឆ្នាំ២០២២ កន្លងទៅនេះ ដោយក្នុងមួយអង្គភាពទទួលបានថវិកា ១.០០០.០០០រៀល ផងដែរ ៕