អាមេរិកស្ទាក់ចាប់ការដឹកជញ្ជូនគ្រឿងផ្ទុះពីអ៊ីរ៉ង់ទៅយេម៉ែន
សហរដ្ឋអាមេរិក÷កងកម្លាំងទ័ពជើងទឹកអាមេរិកបានស្ទាក់ចាប់ “បរិមាណដ៏ច្រើន” នៃសារធាតុផ្ទុះនៅក្នុងឈូងសមុទ្រអូម៉ង់ ឆ្ពោះទៅប្រទេសយេម៉ែនពីប្រទេសអ៊ីរ៉ង់កាលពីសប្តាហ៍មុន នេះបើយោងតាមសេចក្តីថ្លែងការណ៍មួយពីទីបញ្ជាការកណ្តាលនៃកងកម្លាំងជើងទឹកអាមេរិក។
បញ្ជាការដ្ឋានកណ្តាលបានសរសេរថា “កាលពីថ្ងៃទី ៨ ខែវិច្ឆិកា កងនាវាចរទី ៥ របស់សហរដ្ឋអាមេរិកបានស្ទាក់ចាប់នាវានេសាទនៅឈូងសមុទ្រអូម៉ង់ដែលរត់ពន្ធជំនួយដ៍សាហាវ រួមទាំងបរិមាណដ៏ច្រើននៃសម្ភារៈផ្ទុះពីប្រទេសអ៊ីរ៉ង់ដល់យេម៉ែន” ។
យោងតាមសារព័ត៌មាន CENTCOM បានឱ្យដឹងថា កងកម្លាំងសហរដ្ឋអាមេរិក បានរកឃើញសារធាតុអាម៉ូញ៉ូម perchlorate ជាង ៧០ តោន ដែលជា “សារធាតុអុកស៊ីតកម្មដ៏មានឥទ្ធិពល ដែលត្រូវបានប្រើប្រាស់ជាទូទៅក្នុងការផលិតគ្រាប់រ៉ុក្កែត និងកាំជ្រួចមីស៊ីល ក៏ដូចជាសារធាតុផ្ទុះ” ។ជីអ៊ុយរ៉េមួយរយតោន ដែលជាសមាសធាតុគីមី “ដែលគេស្គាល់ថាជាសារធាតុផ្ទុះ” ក៏ត្រូវបានរកឃើញផងដែរ។
នាវាដែលដឹកសមាជិកនាវិកយេម៉ែនបួននាក់ត្រូវបានស្ទាក់ចាប់ពេលកំពុងធ្វើដំណើរពីប្រទេសអ៊ីរ៉ង់តាមបណ្តោយផ្លូវមួយ “ធ្លាប់ប្រើជាប្រវត្តិសាស្ត្រដើម្បីចរាចរអាវុធទៅកាន់ក្រុម Houthi ក្នុងប្រទេសយេម៉ែន”។នាវានេះត្រូវបានលិចនៅថ្ងៃទី ១៣ ខែវិច្ឆិកានៅឈូងសមុទ្រអូម៉ង់បន្ទាប់ពីកងកម្លាំងអាមេរិកបានកំណត់ថានាវានេះគឺជាគ្រោះថ្នាក់ដល់ការធ្វើនាវាចរណ៍សម្រាប់ការដឹកជញ្ជូនពាណិជ្ជកម្ម។
