ក្មួយកាប់អ៌ុំប្រុស ៣ កាំបិតរងរបួសធ្ងន់ក្នុងវង់ផឹកសុី
ភ្នំពេញ : ជនសង្ស័យម្នាក់ត្រូវបានកម្លាំងនគរបាលប៉ុស្តិ៍រដ្ឋបាលបឹងបត់កណ្តោលធ្វើការឃាត់ខ្លួនបន្ទាប់ពីជនសង្ស័យនោះបានប្រើអំពើរហឹង្សាយកកាំបិតកាប់ទៅលើជនរងគ្រោះដែលត្រូវជាអ៌ុំរបស់ខ្លួនចំនួន ៣ កាំបិតបណ្តាលអោយរងរបួសជាទម្ងន់ ដោយសារតែទំនាស់ពាក្យសំដី និង គ្នាក្នុងវង់ផឹកសុីកាលពីវេលាម៉ោង ១៧ និង ២៥ នាទីថ្ងៃទី ៣០ ខែ វិច្ឆិកា ឆ្នាំ ២០២២ ស្ថិតនៅភូមិសំរោងលើ ឃុំបឹងបត់កណ្តោល ស្រុកបាកាន ខេត្តពោធិសាត់។
បើតាមរបាយការណ៍របស់អធិការដ្ឋាននគរបាលស្រុកបាកានបានអោយដឹងថា ជនសង្ស័យដែលសមត្ថកិច្ចនគរបាលឃាត់ខ្លួនបាននោះមានឈ្មោះឆន សៅ ភេទប្រុសអាយុ ៣២ឆ្នាំជនជាតិខ្មែររស់នៅក្នុងភូមិសំរោងលើ ឃុំបឹងបត់កណ្តោល ស្រុកបាកាន ខេត្តពោធិសាត់។
ចំណែកឯជនរងគ្រោះមានឈ្មោះភេ រុំភេទប្រុសអាយុ ៦០ ឆ្នាំជនជាតិខ្មែររស់នៅភូមិសំរោងលើ ឃុំបឹងបត់កណ្តោល ស្រុកបាកាន ខេត្តពោធិសាត់ត្រូវជាអ៌ុំរបស់ជនសង្ស័យ។
បច្ចុប្បន្ន ជនសង្ស័យរួម និង វត្ថុតាងសមត្ថកិច្ចនគរបាលស្រុកកំពុងកសាងសំណុំរឿងចាត់ការទៅតាមនិតិវិធី៕
