ឯកឧត្តម ស ថេត ចុះសួរសុខទុក្ខ និងចែកអំណោយដល់ ប្រជាពលរដ្ឋទីទាល់ក្រ ចាស់ជរាគ្មានទីពឹង ជនពិការ ដែលមានការខ្វះខាតផ្នែកជីវភាពខ្លាំង ចំនួន១៣គ្រួសារ នៅសង្កាត់បឹងទំពុន១
ភ្នំពេញ៖ ឯកឧត្តម ស ថេត ប្រធានក្រុមការងារចុះជួយគណបក្សប្រជាជនកម្ពុជាសង្កាត់បឹងទំពុន១ ខណ្ឌមានជ័យ នៅព្រឹកថ្ងៃទី៣ ខែធ្នូ ឆ្នាំ២០២២ បានអញ្ជេីញចុះសួរសុខទុក្ខ និងចែកអំណោយដល់ ប្រជាពលរដ្ឋទីទាល់ក្រ ចាស់ជរាគ្មានទីពឹង ជនពិការ ដែលកំពុងមានការខ្វះខាតផ្នែកជីវភាពខ្លាំង ចំនួន ១៣គ្រួសារ ដែលរស់នៅសង្កាត់បឹងទំពុន១ ។
សុខទុក្ខរបស់ប្រជាពលរដ្ឋ គឺជាក្តីកង្វល់របស់ឯកឧត្តម ស ថេត ដោយឯកឧត្តម តែងតែឆ្លៀតពេលដេីម្បីចុះសួរសុខទុក្ខ និងផ្តល់អំណោយជាប្រចាំដល់ពលរដ្ឋទីទាល់ក្រខ្លាំង។
ក្រៅពីនោះ ឯកឧត្តម ស ថេត ក៏បានឆ្លៀតពេលជួបសំណេះសំណាល និងផ្តល់មតិណែនាំល្អៗ ដល់ប្រធានគណបក្សសង្កាត់ សមាជិកក្រុមប្រឹក្សាសង្កាត់របស់គណបក្សប្រជាជន នៅទីស្នាក់ការសង្កាត់បឹងទំពុន១ ជាមួយនោះដែរឯកឧត្តម បានអញ្ជេីញចូលរួមបុណ្យសពរបស់សមាជិកបក្សសង្កាត់បឹងទំពុន១ ចូលបញ្ច័យបុណ្យផងដែរ និងក៏បានចុះសួរសុខទុក្ខ និងផ្តល់ជាថវិកាដល់លោកប្រធានភូមិចំរេីនផល៤ ដែលកំពុងមានជំងឺ សម្រាកព្យាបាលនៅផ្ទះ ទុកសម្រាប់ដោះស្រាយព្យាបាលជំងឺផងដែរ៕
