លោក Li Qiang តាងនាមក្រុមប្រឹក្សាកិច្ចការរដ្ឋចិនថ្លែងសុន្ទរកថាបើកសមាជនៃសហព័ន្ធឧស្សាហកម្មនិងពាណិជ្ជកម្មប្រទេសចិនលើកទី១៣

សមាជនៃសហព័ន្ធឧស្សាហកម្មនិងពាណិជ្ជកម្មប្រទេសចិនលើកទី១៣បានបើកធ្វើនៅទីក្រុងប៉េកាំងកាលពីថ្ងៃទី ១១ ខែធ្នូ។ លោក Li Qiang សមាជិកអចិន្ត្រៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិនបានអញ្ជើញចូលរួម ព្រមនិងតាងនាមក្រុមប្រឹក្សាកិច្ចការរដ្ឋចិនថ្លែងសុន្ទរកថាបើកកិច្ចប្រជុំ។
លោកបានលើកឡើងថា សមាជបក្សកុម្មុយនីស្តចិនលើកទី ២០ បានចង្អុលបង្ហាញទិសដៅនិងកំណត់គោលការណ៍ណែនាំសម្រាប់ការអភិវឌ្ឍនៃបុព្វហេតុបក្ស និងរដ្ឋក្នុងយុគសម័យថ្មីនិងក្នុងដំណើរថ្មី ក៏ដូចជាការសម្រេចបាននូវគោលដៅនៃការតស៊ូសតវត្សទី២ផងដែរ ។ សហព័ន្ធឧស្សាហកម្មនិងពាណិជ្ជកម្មគ្រប់ជាន់ថ្នាក់ត្រូវប្រកាន់ខ្ជាប់នូវការណែនាំនៃគំនិតសង្គមនិយមដែលមានលក្ខណៈពិសេសចិនរបស់លោក Xi Jinping ក្នុងយុគសម័យថ្មី ប្រកាន់ខ្ជាប់នូវការដឹកនាំរបស់បក្ស ប្រកាន់ខ្ជាប់នូវប្រព័ន្ធសេដ្ឋកិច្ចសង្គមនិយមជាមូលដ្ឋានរបស់ប្រទេសចិន ក្តាប់ជាប់យ៉ាងម៉ឺងម៉ាត់នូវគោលការណ៍ណែនាំស្តីពី “ការមិនងាករេចំនួន ២ ” ខិតខំជំរុញឱ្យសហគ្រាសឯកជនអភិវឌ្ឍប្រកបដោយគុណភាពខ្ពស់ ណែនាំយ៉ាងសកម្មចំពោះសហគ្រាសឯកជនដើម្បីជំរុញការសម្រេចវិបុលភាពរួម ព្រមនិងណែនាំអង្គភាពសេដ្ឋកិច្ចឯកជនឱ្យអនុវត្តគំនិតអភិវឌ្ឍន៍ដែលតម្កល់ប្រជាជនជាអាទិភាព និងជួយស្តារនិងអភិវឌ្ឍជនបទឡើងវិញ៕