ឧត្តមសេនីយ៍ទោ សាត គឹមសាន ដឹកនាំកិច្ចប្រជុំផ្សព្វផ្សាយប្រកាសអន្តរក្រសួង និងសេចក្តីណែនាំលេខ០៤៤

ភ្នំពេញ៖ លោកឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង នាព្រឹកថ្ងៃអង្គារ ១២រោច ខែមិគសិរ ឆ្នាំខាល ចត្វាសក័ ព.ស២៥៦៦ ត្រូវនឹងថ្ងៃទី២០ ខែធ្នូ ឆ្នាំ ២០២២២ បានដឹកនាំកិច្ចប្រជុំផ្សព្វផ្សាយប្រកាសអន្តរក្រសួង លេខ ១៧៥០ប្រ.ក ចុះថ្ងៃ០៨ ខែមិថុនា ឆ្នាំ២០២២ និងសេចក្តីណែនាំលេខ០៤៤ សណន ចុះថ្ងៃ០៦ ខែកញ្ញា ឆ្នាំ២០២២។

ក្នុងពិធីនេះមានការចូលរួមពីលោក លោកស្រីស្នងការរង លោកនាយ នាយរង ការិយាល័យ អធិការ អធិការរង ប៉ុស្តិ៍នគរបាល ព្រមទាំងលោក លោកស្រី ម្ចាស់លំនៅដ្ឋាន ម្ចាស់ក្រុមហ៊ុន អង្គការ ព្រមទាំងជនបរទេសអន្តោប្រវេសន្ត សរុប ១៧៣នាក់។

ក្នុងកិច្ចប្រជុំខាងលើ លោកឧត្តមសេនីយ៍ត្រី ដាញ់ អេងប៊ុនចាន់ ស្នងការរងទទួលផែនអន្តោប្រវេសន៍ បានអានសេចក្តីប្រកាស និងសេចក្តីណែនាំជូនអង្គប្រជុំ ដើម្បីធ្វើការពិភាក្សា និងមតិណែនាំពីសំណាក់លោកស្នងការ ៕