ឯកឧត្តម វ៉ា ថន អញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំខែវិច្ឆិកា និងលើកទិសដៅអនុវត្តបន្តប្រចាំខែធ្នូ ឆ្នាំ២០២២ របស់រដ្ឋបាលខេត្តក្រចេះ

ភ្នំពេញ៖ ឯកឧត្តម វ៉ា ថន អភិបាលខេត្តក្រចេះ និងជាប្រធានគណៈបញ្ជាការឯកភាពខេត្ត នាព្រឹកថ្ងៃពុធ ១៣រោច ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២១ ខែធ្នូ ២០២២ បានអញ្ជើញដឹកនាំកិច្ចប្រជុំបូកសរុបលទ្ឋផលការងារប្រចាំខែវិចិ្ឆកា និងលើកទិសដៅអនុវត្តបន្តខែធ្នូ ឆ្នាំ២០២២។

ដោយមានចូលរួមពី ឯកឧត្តមអភិបាលរងខេត្ត លោកនាយក នាយករងរដ្ឋបាល លោកប្រធាន អនុប្រធាន មន្ទីរ អង្គភាពជុំវិញខេត្ត លោកស្នងការនគរបាលខេត្ត មេបញ្ជាការរងកងរាជអាវុធហត្ថខេត្ត មេបញ្ជាការរងតំបន់ប្រតិបត្តិការសឹករងខេត្ត ។

កិច្ចប្រជុំបានលើកយករបៀបវារៈចំនួន៣ មកពិភាក្សាដោះស្រាយរួមមាន៖
១. ពិនិត្យសេចក្តីព្រាងរបាយការណ៍
២. ពិនិត្យលើការងារសន្តិសុខសណ្តាប់ធ្នាប់សង្គម ពង្រឹងការរៀបចំសណ្តាប់ធ្នាប់តាមទីប្រជុំជនក្រុង/ស្រុក ឲ្យបានជាប់ជាប្រចាំបន្តពង្រឹងសន្តិសុខសណ្ដាប់ធ្នាប់ ការអនុវត្តច្បាប់ចរាចរណ៍ផ្លូវគោក និងការប្រយុទ្ធប្រឆាំងគ្រឿងញៀនខុសច្បាប់។
៣. ពិនិត្យលើការងារបង្រ្កាប់បទល្មើសព្រៃឈើ និងការគ្រង់គ្រងធនធានធម្មជាតិ សត្វព្រៃឈើជលផល និងទប់ស្កាត់ការចូលទន្ទ្រានកាន់កាប់ដីព្រៃដោយខុសច្បាប់៕