កូរ៉េខាងជើង បាញ់មីស៊ីលផ្លោង បន្ទាប់ពីអាមេរិក-ស.សមយុទ្ធកូរ៉េ
ម៉ាឡេស៊ី៖ កាលពីថ្ងៃទី១៧ ខែធ្នូ ឆ្នាំ២០២២ បញ្ញវន្តខ្មែរចំនួន៩រូប បានបញ្ចប់ការសិក្សានិងទទួលសញ្ញាបត្របណ្ឌិត ពីសាកលវិទ្យាល័យ Bodhisastra University Florida, USA ដែលពិធីនេះប្រារព្ធនៅសាលសហសិក្សានៃសាកលវិទ្យាល័យ Universiti Malaya នារដ្ឋធានីកូឡាឡុំពួរ ប្រទេសម៉ាឡេស៊ី។
ការទទួលនូវ «សញ្ញាបត្របណ្ឌិត – Doctor of Philosophy» នេះ ពិតជាមហាកិត្តិយសណាស់សម្រាប់គ្រួសារ ស្ថាប័ន និងសង្គមជាតិទាំងមូល ដែលកូនខ្មែរមានសមត្ថភាព និងចំណេះដឹងគ្រប់គ្រាន់ក្នុងការទទួលស្គាល់ជាអន្តរជាតិ។ សូមគូសបញ្ជាក់ថា បញ្ញវន្តទាំង៩រូបនោះ រួមមាន៖
១. ព្រះមហា ង៉ែត សុភាព បណ្ឌិតទំនាក់ទំនងអន្តរជាតិ
២. ឯកឧត្តម សួស សោភា បណ្ឌិតវិទ្យាសាស្រ្តអប់រំ
៣. សាស្ត្រាចារ្យ ឈិន សីហា បណ្ឌិតអក្សរសាស្ត្រខ្មែរ
៤. លោក សាន់ ស៊ីថន បណ្ឌិតរដ្ឋបាលធុរកិច្ច
៥. លោក ហោ ហៀង បណ្ឌិតរដ្ឋបាលសាធារណៈ
៦. លោក ពៅ លីដា បណ្ឌិតរដ្ឋបាលសាធារណៈ
៧. លោក គិត ចាន់ថង បណ្ឌិតរដ្ឋបាលធុរកិច្ច
៨. លោក ប៉ុក សៅលី បណ្ឌិតរដ្ឋបាលធុរកិច្ច
៩. លោក លីម អាស៊ីគីន បរិញ្ញាបត្រជាន់ខ្ពស់គ្រប់គ្រងនិងភាពជាអ្នកដឹកនាំ។
ទន្ទឹមនឹងឈានដល់ការទទួលសញ្ញាបត្របណ្ឌិតនេះ គណៈកម្មការវាយតម្លៃនិក្ខេបបទ មានចំនួន១៦រូប ដែលអញ្ជើញមកពីបណ្តាប្រទេសមួយចំនួន ដូចជា÷ សហរដ្ឋអាមេរិក ថៃ ហុងកុង វៀតណាម កម្ពុជា និងឡាវ ផងដែរ។ សមាសភាពគណៈកម្មការវាយតម្លៃមាន លោកសាស្ត្រាចារ្យ បណ្ឌិត Sak Prasandee, CEO of BOU និងជាប្រធានគណៈកម្មការវាយតម្លៃ ឯកឧត្តមសាស្ត្រាចារ្យ បណ្ឌិត គឹម ឆៃហៀង សាកលវិទ្យាធិការស្តីទី និងលោកសាស្ត្រាចារ្យបណ្ឌិត គណៈកម្មការវាយតម្លៃមួយចំនួនទៀត ដែលបានវាយតម្លៃនិក្ខេបបទថ្នាក់បណ្ឌិត តាមរយៈប្រព័ន្ធអនឡាញហ្សូម នាពេលកន្លងមក។
គួររំលេចដែរថា បញ្ញវន្តឆ្នើមទាំង៩រូបខាងលើនេះ ជាកូនខ្មែរ ដែលបានចូលរួមយ៉ាងសកម្មក្នុងសកម្មភាពការងារសង្គម ការងារមនុស្សធម៌ កិច្ចការអភិវឌ្ឍជាតិ និងមាតុភូមិជាមួយនឹងរាជរដ្ឋាភិបាល នៃព្រះរាជាណាចក្រកម្ពុជា ក្រោមការដឹកនាំដ៏ត្រឹមត្រូវ និងឈ្លាសវៃ ប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា ដែលបានកំណត់គោលនយោបាយជាអាទិភាពគឺការបណ្តុះបណ្តាលធនធានមនុស្ស ក្នុងចំណោមគោលនយោបាយទាំង៤ នៃយុទ្ធសាស្ត្រចតុកោណដំណាក់កាលទី៤ នៃរដ្ឋសភា នីតិកាលទី៦ និងបន្តបន្ទាប់ទៅថ្ងៃអនាគត។ ទន្ទឹងនឹងនេះ ក្រៅពីមានភាពជោគជ័យលើការសិក្សា លោកបណ្ឌិតទាំង៩រូប មានមុខនាទី និងរបរជាមន្ត្រីរាជការ អ្នកអប់រំ អ្នកជំនួញ សហគ្រិន យុវជនឆ្នើម និងធុរករវិស័យឯកជនផងដែរ។ ប្រសិនបើលោក អ្នកនាងចង់ជ្រាបឲ្យកាន់តែច្បាស់ទៀតនោះ សូមតាមដានផេសប៊ុក និងគេហទំព័ររបស់សាកលវិទ្យាល័យ Bodhisastra University Florida, USA ក៏ដូចជាគេហទំព័រផ្លូវការរបស់ជ័យលាភីនីមួយៗ។
សូមបញ្ជាក់ផងដែរថា សាកលវិទ្យាល័យ Bodhisastra University Florida, USA ជាសាកលវិទ្យាល័យមួយដែលទទួលបានអាជ្ញាបណ្ណអប់រំពីរដ្ឋហ្ល័រីដានៃសហរដ្ឋអាម៉េរិក និង ជាសមាជិកសមាគម USDLA ផងដែរ។ សាកលវិទ្យាល័យនេះ បណ្តុះបណ្តាលកម្រិតថ្នាក់បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត។ ហើយសាកលវិទ្យាល័យក៏មានកិច្ចសហប្រតិបត្តិការជាមួយបណ្តាសាកលវិទ្យាល័យជាច្រើននៅទូទាំងពិភពលោក រួមទាំងនៅក្នុងប្រទេសកម្ពុជាយើងផងដែរ ៕
