ឯកឧត្តម កែវ រតនៈ និងឯកឧត្តម ខូយ រីដា អញ្ជើញបើកវេទិកាតម្រង់ទិស និងចែករំលែកបទ្ធពិសោធន៍ ក្នុងការជ្រើសរើសមុខវិជ្ជាសិក្សាថ្នាក់បរិញ្ញាបត្រ បរិញ្ញាបត្ររង ជូនសិស្សានុសិស្ស

ភ្នំពេញ៖ ឯកឧត្តម កែវ រតនៈ រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកអគ្គិសនីកម្ពុជា និងជាប្រធានក្រុមការងាររាជរដ្ឋាភិបាល ចុះជួយមូលដ្ឋាន ស្រុកក្រគរ និងស្រុកកណ្តៀង ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ និងឯកឧត្តមបណ្ឌិត ជេត ជាលី សាកលវិទ្យាធិការ នៃសាកលវិទ្យាល័យភូមិន្ទភ្នំពេញ នាព្រឹកថ្ងៃទី២៨ ខែធ្នូ ឆ្នាំ២០២២នេះ នៅសាលប្រជុំធំខេត្ត បានអញ្ជើញបើកវេទិកាតម្រង់ទិស និងចែករំលែកបទ្ធពិសោធន៍ ក្នុងការជ្រើសរើសមុខវិជ្ជាសិក្សាថ្នាក់បរិញ្ញាបត្រ បរិញ្ញាបត្ររង ជូនសិស្សានុសិស្ស មកពីស្រុកកណ្តៀង ស្រុកក្រគរ និងមួយផ្នែកក្រុងពោធិ៍សាត់ ប្រមាណជិត១ពាន់នាក់។

ពិធីនេះបានការអញ្ជើញចូលរួមពីវាគ្មិន មកពីសាកលវិទ្យាល័យភូមិន្ទភ្នំពេញ, សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច, សាកលវិទ្យាល័យជាតិគ្រប់គ្រង, វិទ្យាស្ថានវិទ្យាសាស្ត្រអគ្គិសនី ព្រមទាំងថ្នាក់ដឹកនាំ អាជ្ញាធរ ស្រុក ក្រុង និងសាស្ត្រាចារ្យមួយចំនួនទៀត៕