ឯកឧត្តមកិត្តិសេដ្ឋាបណ្ឌិត ជា ជេដ្ឋ ដឹកនាំកិច្ចប្រជុំក្រុមសមាជិកព្រឹទ្ធសភាប្រចាំភូមិភាគទី១
ភ្នំពេញ៖ ក្រុមសមាជិកព្រឹទ្ធសភាប្រចាំភូមិភាគទី១ នាព្រឹកថ្ងៃទី០៣ ខែមករា ឆ្នាំ២០២៣ បានបើកកិច្ចប្រជុំក្រោមអធិបតីភាពឯកឧត្តមកិត្តិសេដ្ឋាបណ្ឌិត ជា ជេដ្ឋ ប្រធានក្រុមសមាជិកព្រឹទ្ធសភាប្រចាំភូមិភាគទី១ ដើម្បីត្រៀមរៀបចំវេទិការវាងក្រុមសមាជិកព្រឹទ្ធសភាប្រចាំភូមិភាគទី១ ជាមួយក្រុមប្រឹក្សាសង្កាត់ទាំងអស់ ក្នុងខណ្ឌទាំង១៤ ចំណុះរាជធានីភ្នំពេញ ដែលនឹងប្រព្រឹត្តទៅក្នុងអំឡុងពេលចន្លោះសម័យប្រជុំព្រឹទ្ធសភា ក្រោមប្រធានបទ «ការអភិវឌ្ឍមូលដ្ឋាន និងបម្រើសេវាជូនប្រជាពលរដ្ឋប្រកបដោយប្រសិទ្ធភាព ធានាបានសុខសន្តិភាព» នៅសាលប្រជុំគណៈកម្មការទី២ ព្រឹទ្ធសភា៕
