រដ្ឋលេខាធិការក្រសួងអប់រំ ដឹកនាំកិច្ចប្រជុំពិភាក្សា ស្ដីពីការលើកផែនការ សម្រាប់ឆ្នាំ២០២៣

ភ្នំពេញ៖ នាយកដ្ឋានអប់រំក្រៅប្រព័ន្ធ នៃក្រសួងអប់រំ យុវជន និងកីឡា នាថ្ងៃទី៤ មករា បានបើកកិច្ចប្រជុំពិភាក្សាស្ដីពី “ការលើកផែនការសម្រាប់ឆ្នាំ២០២៣” ក្រោមអធិបតីភាព ឯកឧត្ដម ណុះ ស្លេះ រដ្ឋលេខាធិការក្រសួងអប់រំ យុវជន និងកីឡា និងមានចូលរួមពីសំណាក់ ឯកឧត្ដមអគ្គនាយករង ឯកឧត្ដមប្រធាន អនុប្រធាននាយកដ្ឋាន លោកស្រីនាយិកា និងសហការីអង្គការឌីវីវី អន្តរជាតិ សរុប១២នាក់ ស្រី ២នាក់។

ឯកឧត្ដម រដ្ឋលេខាធិការ បានទាញអារម្មណ៍អង្គប្រជុំ លើកឱ្យចំគោលដៅពីតម្រូវការរបស់ខ្លួន និងក្រុមគោលដៅដោយផ្ដោតលើ៣កម្រិត៖ ទី១ កម្រិតគោលនយោបាយ, ទី២ កម្រិតបណ្ដុះបណ្ដាល និងទី៣ កម្រិតមូលដ្ឋាន ។

ឯកឧត្ដម បានថ្លែងអំណរគុណដល់អង្គការឌីវីវី អន្តរជាតិ ដែលបានគាំទ្រ និងធ្វើកិច្ចសហការយ៉ាងជិតស្និទ្ធជាមួយក្រសួងអប់រំ យុវជន និងកីឡា ជាពិសេសនាយកដ្ឋានអប់រំក្រៅប្រព័ន្ធ ៕