ឧបនាយករដ្ឋមន្ត្រី យឹម ឆៃលី ប្រារព្វធ្វើពិធីបុណ្យគម្រប់ខួប ១០០ថ្ងៃ ដើម្បីឧទ្ទិសកុសលជូនចំពោះវិញាណក្ខន្ធ ព្រឹទ្ធមហាឧបាសិកាពុទ្ធសាសនូបត្ថម្ភក៍ ទន់ ធី ស្ថិតនៅភូមិពន្លៃ ឃុំកក់ ស្រុកពញាក្រែក ខេត្តត្បូងឃ្មុំ
ភ្នំពេញ៖ ឯកឧត្តមឧបនាយករដ្ឋមន្ត្រី យឹម ឆៃលី ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាប្រធានគណៈកម្មាធិការជាតិជំរុញចលនាភូមិមួយផលិតផលមួយ និងលោកជំទាវ ទន់ ខុន យឹម ឆៃលី ព្រមទាំងបុត្រា បុត្រី ចៅប្រុស ចៅស្រីប្រសារ បង្កើត រួមទាំងញាតិមិត្តជិតឆ្ងាយ នៅថ្ងៃពុធ-ព្រហស្បតិ៍ ១៣-១៤កើត ខែបុស្ស ឆ្នាំខាល ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី៤-៥ ខែមករា ឆ្នាំ២០២៣ បានប្រារព្វធ្វើពិធីបុណ្យគម្រប់ខួប ១០០ថ្ងៃ ដើម្បីឧទ្ទិសកុសលជូនចំពោះវិញាណក្ខន្ធ ព្រឹទ្ធមហាឧបាសិកាពុទ្ធសាសនូបត្ថម្ភក៍ ទន់ ធី ស្ថិតនៅភូមិពន្លៃ ឃុំកក់ ស្រុកពញាក្រែក ខេត្តត្បូងឃ្មុំ ព្រមទាំងរាប់បាត្រ ប្រគេនទេយ្យទាន ទេយ្យវត្ថុដល់ព្រះសង្ឃផងដែរ។
សូមរំឮកផងដែរថា ព្រឹទ្ធមហាឧបាសិកាពុទ្ធសាសនូបត្ថម្ភក៍ ទន់ ធី ត្រូវជាម្តាយក្មេក របស់ឯកឧត្តមឧបនាយករដ្ឋមន្ត្រី យឹម ឆៃលី និងជាជីដូនក្មេករបស់ឯកឧត្តម ហ៊ុន ម៉ានី បានទទួលមរណភាព កាលពីវេលាម៉ោង ០០:១៨ នាទីយប់រំលងអធ្រាត្រឈានចូលថ្ងៃទី ២៨ ខែកញ្ញា ឆ្នាំ២០២២ នេះក្នុងជន្មាយុ ៩០ ឆ្នាំ ដោយជរាពាធ ៕
