នគរបាលស្រុកគងពិសី ឃាត់ខ្លួនជនសង្ស័យ ២នាក់ ពាក់ព័ន្ធនឹងគ្រឿងញៀន
កំពង់ស្ពឺ៖ នៅថ្ងៃទី៩ ខែមករា ឆ្នាំ២០២៣ វេលាម៉ោង១៦ និង១០នាទី កម្លាំងអធិការដ្ឋាននគរបាល ស្រុកគងពិសី បានបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបាន២នាក់ ស្ថិតនៅចំណុចភូមិត្រពាំងចក ឃុំមហាឬស្សី ស្រុកគងពិសី ខេត្តកំពង់ស្ពឺ ។
ក្នុងកិច្ចប្រតិបត្តិការនេះសមត្ថកិច្ចបានឃាត់ខ្លួនជនសង្ស័យចំនួន ២នាក់ ១-ឈ្មោះ ផុស ពិសី ភេទប្រុស អាយុ ១៧ឆ្នាំ ២-ឈ្មោះ សៀន វិសាល ភេទប្រុស អាយុ ២៧ឆ្នាំ ទាំង២នាក់រស់នៅភូមិត្រពាំងចក ឃុំមហាឬស្សី ស្រុកគងពិសី ខេត្តកំពង់ស្ពី។
វត្ថុតាងដកហូតរួមមាន៖ ម្សៅក្រាមពណ៌សថ្លាសង្ស័យជាគ្រឿងញៀន ១៤កញ្ចប់ (១២តូច និង២មធ្យម) ទម្ងន់ ក្រាម និងទូរស័ព្ទចំនួន ៣គ្រឿង ។
បច្ចុប្បន្នជនសង្ស័យ និងវត្ថុតាងត្រូវបានកម្លាំងការិយាល័យជំនាញ កំពុងកសាងសំណុំរឿង ចាត់ការតាមនីតិវិធី៕
