ឯកឧត្តម ជិន ម៉ាលីន ទទួលជួបពិភាក្សាការងារជាមួយ អនុប្រធានការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សកម្ពុជា UN-OHCHR

ភ្នំពេញ៖ ឯកឧត្តម ជិន ម៉ាលីន រដ្ឋលេខាធិការក្រសួងយុត្តិធម៌ នាព្រឹកថ្ងៃសុក្រ ៧រោច ខែបុស្ស ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៣ ខែមករា ឆ្នាំ២០២៣ បានទទួលជួបជាមួយលោក Benjamin Moreau អនុប្រធានការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សកម្ពុជា និងបានពិភាក្សាអំពីផែនការនៃកិច្ចសហប្រតិបត្តិការក្នុងការងារកែទម្រង់ច្បាប់ និងប្រព័ន្ធយុត្តិធម៌លើប្រធានបទសំខាន់ៗដូចខាងក្រោម៖

១- ដំណើរការប្រព័ន្ធចុះបញ្ជីសំណុំរឿងព្រហ្មទណ្ឌតាមប្រព័ន្ធអេឡិចត្រូនិចនៅតាមសាលាដំបូងរាជធានីខេត្ត

២- ការធ្វើទំនើបកម្មរដ្ឋបាលតុលាការ និងតុលាការឌីជីថល (E-Court)

៣- កម្មវិធីសិក្សានៅរាជបណ្ឌិតសភាវិជ្ជាជីវៈតុលាការ និងការអភិវឌ្ឍសម្ថភាពចៅក្រម ព្រះរាជអាជ្ញា និងមន្រ្តីអនុវត្តច្បាប់លើវិស័យយុត្តិធម៌ព្រហ្មទណ្ឌ

៤- ការកកស្ទះសំណុំរឿង ភាពចង្អៀតណែនក្នុងពន្ធនាគារ ការអនុវត្តទោសសហគមន៍ និងការដោះលែងដោយមានលក្ខខណ្ឌ

៥- ការរៀបចំយន្តការដោះស្រាយវិវាទក្រៅប្រព័ន្ធតុលាការតាមរយៈសន្ធានកម្មនៅសហគមន៍ ៕