កងពលតូចដឹកជញ្ជូនលេខ៩០ ទទួលអំណោយបរិក្ខារពេទ្យ ពីឧត្តមសេនីយ៍ឯក ហ៊ុន ម៉ាណែត

ភ្នំពេញ៖ កងពលតូចដឹកជញ្ជូនលេខ៩០ កងទ័ពជើងគោក ដឹកនាំដោយ ឯកឧត្តម ឧត្តមសេនីយ៍ទោ ឈរ សុខ នាយសេនាធិការរងកងទ័ពជើងគោក នាថ្ងៃទី២៤ ខែមករា ឆ្នាំ២០២៣ បានទទួលអំណោយដ៏ថ្លៃថ្លារបស់ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក នៅអំណោយជាបរិក្ខារពេទ្យ ដើម្បីទប់ស្កាត់ការឆ្លងរីករាលដាលនៃជំងឺកូវីដ-១៩ អំណោយរួមមាន៖ ម៉ាស់ពេទ្យចំនួន ៣០០០សន្លឹ ,ម៉ាសN៩៥ចំនួន ២០០០សន្លឹក, PPEខៀវចំនួន ៣៩០០អាវ , អាវអៀមចំនួន ៣៩០០អាវ, មួកគ្របសក់ចំនួន ៣៩០០មួក ស្រោមដៃចំនួន ៣៥០០គូរ, វ៉ែនតាចំនួន ១៥០គ្រឿង របាំងមុខចំនួន ១១០០សន្លឹក, ស្បែកជើងកវែងចំនួន ៦៦គូរ, ថ្នាំសម្លាប់មេរោគចំនួន ១០គីឡូក្រាម ។

បន្ទាប់ពីបានទទួលអំណោយដ៏ថ្លៃថ្លារួចមក ឯកឧត្តម ឧត្តមសេនីយ៍ទោ ឈរ សុខ ព្រមទាំងនាយទាហាន នាយទាហានរង និងពលទាហានទាំងអស់ សូមថ្លែងអំណរគុណយ៉ាងជ្រាលជ្រៅ និងសូមគោរពជូនពរដល់ឯកឧត្តម ឧត្តមសេនីយ៍ឯក មេបញ្ជាការកងទ័ពជើងគោក ៕