ឯកឧត្តម ថង សាវុន និងឯកឧត្តម ម៉ែន ង៉ុយ អញ្ជើញប្រកាសចូលកាន់មុខដំណែង អភិបាលរងក្រុងសែនមនោរម្យ និងនាយករដ្ឋបាលក្រុងសែនមនោរម្យ

ភ្នំពេញ៖ រដ្ឋបាលក្រុងសែនមនោរម្យ នាថ្ងៃទី២៥ ខែមករា ឆ្នាំ២០២៣នេះ បានរៀបចំពិធីប្រកាសចូលកាន់មុខដំណែង អភិបាលរង នៃគណៈអភិបាលក្រុងសែនមនោរម្យចំនួន ២រូប និងនាយករដ្ឋបាលក្រុងសែនមនោរម្យ ១រូប ។

ពិធីនេះប្រព្រឹត្តទៅ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ថង សាវុន អភិបាលខេត្តមណ្ឌលគិរី ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត ដោយមានការអញ្ជើញចូលរួមពីសំណាក់ លោក អភិបាលរងខេត្ត លោកនាយក នាយករងរដ្ឋបាលខេត្ត មេបញ្ជាការ បញ្ជាការរងកងកម្លាំងប្រដាប់អាវុធទាំង ៣ប្រភេទ លោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត និងអាជ្ញាធរក្រុងសែនមនោរម្យគ្រប់លំដាប់ថ្នាក់ ។

លោកអភិបាលរង នៃគណៈអភិបាលក្រុងសែនមនោរម្យ ត្រូវបានប្រកាសចូលកាន់មុខតំណែងថ្មី រួមមាន៖ ១. លោក មាស ចន្នី ២.លោក សេន ប៉េងសែ និងនាយករដ្ឋបាលក្រុងសែនមនោរម្យ លោក យិន ចាន់ថន ៕