ប៉ូលីសស្រុកអង្គរបូរី ធ្វើការឃាត់ខ្លួនមុខសញ្ញាជួញដូរនិងប្រើប្រាស់គ្រឿងញៀនម្នាក់ នៅចំណុចភូមិតាមូង ឃុំព្រៃផ្គាំ ស្រុកអង្គរបូរី ខេត្តតាកែវ
ភ្នំពេញ៖ កាលពីថ្ងៃទី៣១ ខែមករា ឆ្នាំ២០២៣ វេលាម៉ោង ១០:០៥នាទី ប៉ូលីសស្រុកអង្គរបូរី បានធ្វើការឃាត់ខ្លួនមុខសញ្ញាជួញដូរនិងប្រើប្រាស់គ្រឿងញៀនម្នាក់ នៅចំណុចភូមិតាមូង ឃុំព្រៃផ្គាំ ស្រុកអង្គរបូរី ខេត្តតាកែវ។
ការឃាត់ខ្លួននេះគឺធ្វើឡើងដោយមានការសម្របសម្រួសពី ឯកឧត្ដមព្រះរាជអាជ្ញា អមសាលាដំបូងខេត្តតាកែវ។
លោកវរសេនីយ៍ទោ នួន ប៉ិន អធិការនគរបាលស្រុកអង្គរបូរី បានអោយដឹងថាលោកបានដឹកនាំកម្លាំងជំនាញនៃអធិការដ្ឋាននគរបាលស្រុកអង្គរបូរី សហការជាមួយកម្លាំងប៉ុស្តិ៍នគរបាលរដ្ឋបាលព្រៃផ្គាំ បានចុះបង្រ្កាបមុខសញ្ញាចែកចាយ និងប្រើប្រាស់គ្រឿងញៀន នៅចំណុចភូមិឃុំកើតហេតុខាងលើ ដោយ ឃាត់ខ្លួនជនសង្ស័យម្នាក់ឈ្មោះ ឈឹក ផាត ភេទប្រុស អាយុ ៤០ឆ្នាំ ជនជាតិខ្មែរ មុខរបរមិនពិតប្រាកដ ស្ថិតក្នុងភូមិធ្លកយុល ឃុំពន្លៃ ស្រុកអង្គរបូរី ខេត្តតាកែវ។ ព្រមទាំងដកហូតបានសម្ភារៈមួយចំនួនរួមមាន៖ ម្សៅក្រាមពណ៌សថ្លា ចំនួន ០៦កញ្ចប់ ,ថង់ប្លាស្ទីកសម្រាប់ច្រកគ្រឿងញៀនមួយចំនួន ,ជញ្ជីងថ្លឹងសារធាតុញៀនចំនួន ១គ្រឿង ,ដែកចូកសាធាតុញៀន ចំនួន ១ ,កាំភ្លើងកែច្នៃបាញ់គ្រាប់កង់ ចំនួន ១ដើម ,ដងឆក់ត្រី ចំនួន ៦ដើម ,ម៉ូតូចំនួន ០១គ្រឿង និងសម្ភារៈសំរាប់ប្រើប្រាស់សារធាតុញៀនមួយចំនួនទៀតផងដែរ។
ករណីនេះកម្លាំងជំនាញកំពុងធ្វើការសាកសួរនៅអធិការដ្ឋាន ដើម្បីកសាងសំណុំរឿងតាមនីតិវិធី ៕
