មេបញ្ជាការកងពលតូចថ្មើរជើងលេខ៥១ នាំយកថវិកា និងគ្រឿងឧបភោគបរិភោគ ជូនយោធិនកំពុងសម្រាកព្យាបាលនៅមន្ទីរពេទ្យ

ភ្នំពេញ៖ ឧត្តមសេនីយ៍ត្រី សឹង្ហ ទុំ មេបញ្ជាការ កងពលតូចថ្មើរជើងលេខ៥១ នារសៀលថ្ងៃទី០១ ខែកុម្ភៈ ឆ្នាំ២០២៣ បានចាត់តាំលោកវរសេនីយ៍ឯក យ៉ែម ឡុម មេបញ្ជាការ រង កងពល ដឹកនាំ ក្រុមការងារ នាំយកថវិកា មិត្តរួមអាវុធ ចំនួន ១,៥០០,០០០រៀល ក្នុងនោះថវិកា វរសេនាតូចលេខថ្មើរជើងលេខ៥១៤ ចំនួន ៥០០,០០០រៀល និងសម្ភារ: គ្រឿងឧបភោគបរិភោគ មួយចំនួន ចុះសួរសុខទុក្ខ លោកឣនុសេនីយ៍ឯក វ៉ាញ វៀង មេបញ្ជាការ កងឣនុសេនាធំគាំទ្រ វរសេនាតូចថ្មើរជើងលេខ៥១៤ កំពុងសម្រាកព្យាបាលជម្ងឺ បេះដូងចំហរ រលាក់សួត និងឫសដូងបាត នៅមន្ទីរពេទ្យបានសុខ ខេត្តបន្ទាយមានជ័យ ។

សូមបញ្ជាក់ផងដែរថា លោកមេបញ្ជាការ កងពលតូចថ្មើរជើងលេខ៥១ តែងតែយកចិត្តទុកដាក់ដល់ សុខទុក្ខយោធិនអ្នកក្រោមឱវាទដែលជួបការ លំបាក ដោយផ្តល់នូវថវិកា និងគ្រឿងឧបភោគ បរិភោគមួយចំនួន ដើម្បី ជួយសម្រួលដល់ការលំបាក ក្នុងចំណាយលើការព្យាបាល បានមួយកម្រឹតផងដែរ។

ក្នុងឱកាសនោះ ក្រុមគួ្រសារ និងយោធិន បានគោរពថ្លែងអំណរគុណ ដល់ថ្នាក់ដឹកនាំ និងមិត្តរួមអាវុធ សូមទទួលបាននូវសុខភាពល្អបរិបូរណ៍ និងទទួលជោគជ័យគ្រប់ភារកិច្ចជូនជាតិមាតុភូមិ និងប្រជាជន ៕