ម្តាយមីងនិងក្មួយបង្កើតជិះម៉ូតូបុកគ្នា ស្លាប់ទាំងពីនាក់
ខេត្តកំពង់ស្ពឺ៖ ម្តាយមីងនិងក្មួយបង្កើតជិះម៉ូតូបុកគ្នា ស្លាប់ទាំងពីនាក់ នៅវេលាម៉ោងជាង៣រសៀល ថៃ្ងទី០៥ កុម្ភៈ ២០២៣ មានគ្រោះថ្នាក់ចរាចរណ៍ លើផ្លូវលេខ១៤០ចំណុចភូមិត្រពាំងខ្យង ឃុំត្រពាំងគង ស្រុកសំរោងទង ខេត្តកំពង់ស្ពឺ។
ប្រភពពីនគរបាលខេត្ដកំពង់ស្ពឺឲ្យដឹងថា គ្រោះថ្នាក់ចរាចរណ៍នេះកើតឡើងរវាងម៉ូតូមួយគ្រឿង ម៉ាកស្ដុបពីពណ៌ក្រហម ពាក់ស្លាកលេខភ្នំពេញ1GF-9021 បើកបរដោយឈ្មោះ ថែម គន្ធា ភេទស្រី អាយុ៤២ឆ្នាំ រស់នៅភូមិពោធិ ឃុំរលាំងចក ស្រុកសំរោងទង ខេត្តកំពង់ស្ពឺ បើកបរពីត្បូងទៅជើង មកដល់ចំណុចខាងលើបានបុកប៉ះម៉ូតូមួយគ្រឿង ម៉ាកអុិចសង់ទ័រ ពណ៌ខ្មៅ គ្មានស្លាកលេខ បើកបរដោយឈ្មោះ វែង ចាន់នី ភេទប្រុស អាយុ១៨ឆ្នាំ រស់នៅភូមិពោធិ ឃុំរលាំងចក ស្រុកសំរោងទង ខេត្តកំពង់ស្ពឺ បើកបរបញ្ច្រាសទិសគ្នា បណ្ដាលឱ្យស្លាប់ទាំងពីរនាក់ ក្នុងនោះជនរងគ្រោះទាំងពីរនាក់ ជាម្តាយមីងនិងក្មួយបង្កេីត។
ក្រោយកើតហេតុ សមត្ថកិច្ចនគរបាលបានយកមករក្សាទុកនៅប៉ុស្ដិ៍នគរបាលរដ្ឋបាលត្រពាំងគងរង់ចាំបន្ដនីតិវិធីបន្ត៕
