ឯកឧត្តម ច័ន្ទ សុផល នាំយកអំណោយសម្តេចក្រឡាហោម ស ខេង និងលោកជំទាវ ជូនសាលាបឋមសិក្សាតាគត់ និងវិទ្យាល័យអប់រំពិសេសក្រុងបាត់ដំបង

ភ្នំពេញ៖ ឯកឧត្តម ច័ន្ទ សុផល តំណាងរាស្ត្រមណ្ឌលខេត្តបាត់ដំបង និងជាអនុប្រធានគណៈកម្មការទី៤ នៃរដ្ឋសភា និងឯកឧត្តម ខាន់ ម៉ាណេរ រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានក្រុមក្រឡាហោមមនុស្សធម៌ នាព្រឹកថ្ងៃទី១៨ ខែកុម្ភៈ ឆ្នាំ២០២៣ បានអញ្ជើញដឹកនាំក្រុមក្រឡាហោមមនុស្សធម៌ នាំយកអំណោយសម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោកជំទាវ ជូន ២ទីតាំងផ្សេងគ្នារួមមាន៖ សាលាបឋមសិក្សាតាគត់ ឃុំក្តុលតាហែន ស្រុកបវេលមានសិស្សានុសិស្សចំនួន១៩១នាក់ លោកគ្រូ អ្នកគ្រូ ៦នាក់ និងប្រជាការពារ ព្រមទាំងបានផ្តល់ស្រះទឹកប្រើប្រាស់មួយទំហំ ២០ម៉ែត្រ×៣០ម៉ែត្រ និងសម្ភារៈសិក្សាព្រមទាំងថវិកាមួយចំនួន និងវិទ្យាល័យអប់រំពិសេសក្រុងបាត់ដំបង (សាលាកុមារពិកាភ្នែក គថ្លង់) ទទួលបានអង្ករ និងគ្រឿងឧបភោគបរិភោគប្រចាំខែ ព្រមទាំងរៀបចំអាហារថ្ងៃត្រង់ដល់កុមារពិកាភ្នែក គថ្លង់នូវស៊ុបគោផងដែរ ៕