ពិធីប្រគល់-ទទួលសម្ភារៈដែលជាគោលរបបប្រចាំឆ្នាំ២០២២ របស់ក្រសួងមហាផ្ទៃ ជូនដល់ស្នងការដ្ឋាននគបាលខេត្តមណ្ឌលគិរី
ភ្ភ្នំពេ៖ ដោយអនុវត្តតាមអនុសាសន៍ដ៏ខ្ពង់ខ្ពស់របស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងដោយមានការណែនាំចង្អុលបង្ហាញពីសំណាក់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ នារសៀលថ្ងៃសុក្រ៥កើត ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២៤ ខែកុម្ភៈ ឆ្នាំ២០២៣ នៅស្នងការដ្ឋាននគរបាលខេត្តមណ្ឌលគិរី បានរៀបចំពិធីប្រគល់-ទទួលឯកសណ្ឋាន លក្ខណៈសញ្ញាសក្តិ សម្ភារៈប្រើប្រាស់ សម្ភារៈការិយាល័យ និងគ្រឿងសង្ហារឹម ដែលជាគោលរបបរបស់កងកម្លាំងនគរបាលជាតិប្រចាំឆ្នាំ២០២២ របស់ក្រសួងមហាផ្ទៃ បើកផ្តល់ជូនកងកម្លាំងនគរបាលក្រុង/ស្រុកទាំងប្រាំ វរសេនាតូចនគរបាលព្រំដែនគោកទាំងពីរចំណុះស្នងការដ្ឋាននគរបាលខេត្ត ។
ពិធីប្រគល់និងទទួលសម្ភារៈធ្វើឡើងក្រោមអធិបតីភាព លោកឧត្តមសេនីយ៍ទោ សួន សុខា អនុប្រធាននាយកដ្ឋានភស្តុភារ និងជាប្រធានក្រុមការងារទី៣ តំណាង ឯកឧត្តម ឧត្តមសេនីយ៍ឯក វ៉ា វិចិត្រា ប្រធាននាយកដ្ឋានភស្តុភារ និងសម្ភារៈបច្ចេកទេស នៃក្រសួងមហាផ្ទៃ, លោកឧត្តមសេនីយ៍ត្រី សូ សុវណ្ណ ស្នងការរងខេត្ត, លោកវរសេនីយ៍ឯក ម៉ៅ គឹមសេង នាយការិយាល័យភស្តុភារ និងហិរញ្ញវត្ថុជាតំណាង លោកឧត្តមសេនីយ៍ទោ ឡោ សុខា ស្នងការនគរបាលខេត្ត ។
ក្នុងនោះក៏មានការចូលរួមពី ក្រុមការងារ អមដំណើរ លោកនាយ នាយរង ការិយាល័យភស្តុភារ និងហិរញ្ញវត្ថុ លោកមេបញ្ជាការ វរសេនាតូចការពារព្រំដែនគោកទាំង២លោកអធិការក្រុងស្រុកទាំង៥ផងដែរ ៕
