នាយឧត្តមសេនីយ៍មាស ថង ប្រកាសថ្កោលទោសយ៉ាងដាច់អហង្ការចំពោះទណ្ឌិតក្បត់ជាតិបីជំនាន់សម រង្សុីដែលផ្សព្វផ្សាយព័តិមានបំភ្លៃ និងញុះញង់តាមបណ្តាញសង្គមមកលើសម្តេចពិជ័យសេនាទៀ បាញ់ និងក្រុមគ្រួសារ
ភ្នំពេញ៖ នាយឧត្តមសេនីយ៍មាសថងរដ្ឋលេខាធិការក្រសួងការពារជាតិព្រមទាំងនាយនិងពលទាហានក្រោមឱវាទ សូមប្រកាសថ្កោលទោសយ៉ាងដាច់អហង្ការចំពោះទណ្ឌិតក្បត់ជាតិបីជំនាន់សម រង្សុីដែលបានផ្សព្វផ្សាយព័តិមានបំភ្លៃ និងញុះញង់តាមបណ្តាញសង្គមមកលើសម្តេចពិជ័យសេនាទៀ បាញ់ ឧបនាយរដ្ឋមន្ត្រី រដ្ឋមន្ត្រីក្រសួងការពារជាតិ និងក្រុមគ្រួសារ។
ការចោទប្រកាន់យ៉ាងគឃ្លើនរបស់ទណ្ឌិតក្បត់ជាតិបីជំនាន់សមរង្សុីគឺជាអំពើល្មើសច្បាប់ដែលមានចែងនៅក្នុងក្រមព្រហ្មទណ្ឌនៃព្រះរាជាណាចក្រកម្ពុជា ដែលប្រឈមនឹងការផ្តន្ទាទោស ។
យើងខ្ញុំប្តេជ្ញដាច់ខាតការពាររាជរដ្ឋាភិបាលស្របច្បាប់ដែលដឹកនាំដោយ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ព្រមទាំងគាំទ្រពេញទំហឹង ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រី បន្តវេននាពេលអនាគត។
យើងខ្ញុំសូមស្នើអាជ្ញាធរមានសមត្ថកិច្ចគ្រប់លំដាប់ថ្នាក់ ចាត់វិធានការឲ្យបានហ្មឺងម៉ាត់តាមច្បាប់ចំពោះទណ្ឌឹតសម រង្សុី ហើយរង់ចាំអនុវត្ត តាមបទបញ្ជារបស់រាជរដ្ឋាភិបាល ក្នុងការកម្ចាត់ជនក្បត់ជាតិ នៅគ្រប់កាលៈទេសៈ និងទោះក្នុងតម្លៃណាក៏ដោយ៕