នគរបាលស្រុកសង្កែ ចុះបង្រ្កាប និងឃាត់ខ្លួនមុខសញ្ញា០២នាក់ ក្នុងករណីគ្រឿងញៀន
ភ្នំពេញ៖ ជនសង្ស័យចំនួន០២នាក់ ត្រូវបានកម្លាំងនគរបាលស្រុកសង្កែ ឃាត់ខ្លួនពាក់ព័ន្ធករណីរក្សាទុក ចែកចាយ និងជួញដូរដោយខុសច្បាប់នូវសារធាតុគ្រឿងញៀន ០១ករណី ក្នុងបទល្មើសជាក់ស្តែង នៅថ្ងៃទី១៩ ខែមីនា ឆ្នាំ២០២៣ វេលាម៉ោង០០និង៣០នាទី នៅចំណុចភូមិនរា១ ឃុំនរា ស្រុកសង្កែ ខេត្តបាត់ដំបង។
ប្រតិបត្តិការខាងលើដឹកនាំដោយលោកវរសេនីយ៍ទោ យុត តុងហូ អធិការនគរបាលស្រុកសង្កែ បានដឹកនាំកម្លាំងផ្នែកប្រឆាំងគ្រឿងញៀន សហការជាមួយកម្លាំងប៉ុស្តិ៍នគរបាលរដ្ឋបាល នៃអធិការដ្ឋាននគរបាលស្រុកសង្កែ។
សមត្ថកិច្ចបានឃាត់ជនសង្ស័យចំនួន ០២នាក់រួមមាន៖
១. ឈ្មោះ នួន រ៉ាទី ភេទប្រុស អាយុ២៨ឆ្នាំ មានទីលំនៅភូមិសំរោងក្នុង ឃុំសំរោងក្នុង ស្រុកឯកភ្នំ ខេត្តបាត់ដំបង
២. ឈ្មោះ ឡឹង ខ្មៅ ភេទប្រុស អាយុ១៨ឆ្នាំ មានទីលំនៅភូមិដាំស្ពៃ សង្កាត់ស្លាកែត ក្រុង-ខេត្តបាត់ដំបង។
វត្ថុតាងចាប់យកបានរួមមាន ៖
– ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០១ថង់ ទម្ងន់ ០.៦០ក្រាម ។
– ឧបករណ៍កែច្នៃសម្រាប់ប្រើប្រាស់ថ្នាំញៀនមួយចំនួន ។
– ម៉ូតូចំនួន ០១គ្រឿង ម៉ាកហុងដាកូរ៉េ ពណ៌ក្រហមស៊េរីចាស់ ស្លាកលេខ បាត់ដំបង 1M-1280 ។
បច្ចុប្បន្ន ជនសង័្សយរួមនិងវត្ថុតាងកម្លាំងនគរបាលស្រុកសង្កែកំពុងរៀបចំសំណុំរឿងបញ្ជូនមកការិយាល័យជំនាញខេត្ត ដេីម្បីចាត់ការបន្តនីតិវិធី-ច្បាប់ ៕
