ឯកឧត្តម ងួន រតនៈ ក្រើនរំលឹកដល់អ្នកសារព័ត៌មាន ត្រូវគោរពក្រមសីលធម៌វិជ្ជាជីវៈអ្នកសារព័ត៌មាន និងអនុវត្តតាមច្បាប់របបអ្នកសារព័ត៌មាន

ភ្នំពេញ៖ ឯកឧត្តម ងួន រតនៈ អភិបាលខេត្តកំពង់ធំ បានក្រើនរំលឹកដល់អ្នកសារព័ត៌មាន ត្រូវគោរពក្រមសីលធម៌វិជ្ជាជីវៈអ្នកសារព័ត៌មាន និងអនុវត្តតាមច្បាប់របបអ្នកសារព័ត៌មាន ។

ការលើកឡើងនេះ ថ្លែងក្នុងឱកាលដែរ ឯកឧត្តម ងួន រតនៈ អញ្ជើញជាអធិបតីក្នុងពិធីបិទវគ្គបណ្ដុះបណ្ដាលស្ដីពីវិជ្ជាជីវៈអ្នកសារព័ត៌មាន ដែលមានអ្នកចូលរួមប្រមាណជិត ១០០នាក់ នារសៀលថ្ងៃទី២៣ ខែមីនា ឆ្នាំ២០២៣ នៅសាលាខេត្តកំពង់ធំ ។

ឯកឧត្តមអភិបាលខេត្ត បានបន្ថែមទៀតថា សារព័ត៌មានប្រៀបដូចជាចំណីអាហារដែលយើងមិនអាចខ្វះបាន ក្នុងការតាមដានព័ត៌មាន សភាពការណ៍នៅក្នុងសង្គម ដែលបានកើតឡើងជារៀងរាល់ថ្ងៃ ដូច្នេះបងប្អូនអ្នកសារព័ត៌មានទាំងអស់ ការសរសេរព័ត៌មាន ត្រូវពិនិត្យ អក្ខរាវិរុទ្ធ ខ្លឹមសារឲ្យបានហើយបានត្រឹមត្រូវ មានប្រភពច្បាស់លាស់ មុននឹងចេញផ្សាយជាសាធារណៈ។

លើសពីនេះទៅទៀតឯកឧត្តមអភិបាលខេត្ត ក៏បានថ្លែងអំណរគុណដល់រដ្ឋមន្ត្រីក្រសួងព័ត៌មាន ប្រធានមន្ទីរព័ត៌មានខេត្ត សមាគមសារព័ត៌មាន និងមន្ត្រីពាក់ព័ន្ធទាំងអស់ ដែលបានខិតខំរៀបចំបង្កើត វគ្គបណ្ដុះបណ្ដាលស្ដីពីវិជ្ជាជីវៈអ្នកសារព័ត៌មាន ហេីយក៏បានផ្ដល់ឱកាសឲ្យអ្នកសារព័ត៌មាន បានទទួលបានចំណេះដឹង និងបទពិសោធន៍ ថ្មីៗបន្ថែមទៀត ក្នុងការប្រកបរបរវិជ្ជាជីវៈអ្នកសារព័ត៌មានឲ្យមានការទទួលខុសត្រូវខ្ពស់ ព្រមទាំងសំណូមពរដល់អ្នកសារព័ត៌មានទាំងអស់ដែលមិនទាន់បានចុះបញ្ជីនៅមន្ទីរព័ត៌មាន សូមអញ្ជើញទៅចុះបញ្ជីឲ្យបានគ្រប់ៗគ្នា ៕