នាយឧត្តមសេនីយ៍ មុឹង សំផន៖ សម្តេចតេជោ បានខិតខំដឹកនាំប្រទេសជាតិអោយមានសុខសន្តិភាពនិងបញ្ជៀសបាននូវសង្គ្រាម ជូនប្រទេសជាតិ
ភ្នំពេញ៖ ឯកឧត្តម នាយឧត្តមសេនីយ៍ ម៉ឹង សំផន រដ្ឋមន្ត្រីប្រតិភូអមនាយកមន្ត្រី និងជារដ្ឋលេខាធិការក្រសួងការពារជាតិ នាព្រឹកថ្ងៃទី០៣ ខែមេសា ឆ្នាំ២០២៣នេះ បានអញ្ជើញចុះជួបសំណេះសំណាលសាកសួរសុខទុក្ខ បុគ្គលិកពេទ្យនិងយោធិនដែលកំពុងសម្រកព្យាលបាលជម្ងឺ នៅមន្ទីរពេទ្យព្រះកេតុមាលា ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំថោះ បញ្ចស័ក ពុទ្ធសករាជ២៥៦៧ និងឈានមកដល់នាពេលខាងមុខនេះ។
ថ្លែងនៅក្នុងពិធីសំណេះសំណាលនាឱកាសនោះ ឯកឧត្តម នាយឧត្តមសេនីយ៍ មុឹង សំផន បានលេីកឡេីងថា សម្តេចតេជោ បានខិតខំដឹកនាំប្រទេសជាតិអោយមានសុខសន្តិភាពនិងបញ្ជៀសបាននូវសង្គ្រាម ជូនប្រទេសជាតិ ព្រោះថាសង្គ្រាម បេីកេីតឡេីងហេីយគឺំបំផ្លាញអ្វេីៗទាំងអស់និងបង្កអោយមនុស្សរបួស ពិការ ស្លាប់ ដែលធ្វេីអោយមន្ទីពេទ្យជួបការលំបាកក្នុងការព្យាបាល ដូច្នេះហេីយទេីបសម្តេចតេជោបានខិតខំប្រឹងប្រែងណាស់ក្នុងការ ការពារសន្តិភាព កុំអោយមានសង្គ្រាមកេីតឡេីង។ ជាងនេះទៅទៀតនៅក្នុងអំឡុងពេលជម្ងឺកូវីដ-១៩ កុំឆ្លងរាត្បាតទូទាំងសកលលោក សម្តេចតេជោ បានខិតខំស្វែងរកវ៉ាក់សាំងការពារជម្ងឺឆ្លងកូវីដ-១៩ ចាក់ជូនកងទ័ព គ្រួសារកងទ័ពនិងប្រជាជន ដេីម្បីអោយមានសុខភាពល្អជៀសផុតពីការឆ្លងនិងកាត់បន្ថយអត្រាអ្នកស្លាប់ដោយសារជម្ងឺកូវីដ-១៩នាពេលកន្លងមក។
ឯកឧត្តម នាយឧត្តមសេនីយ៍ បានកោតសរសើរចំពោះក្រុមគ្រូពេទ្យយោធាដែលមានការនឿយហត់ក្នុងការចូលរួមប្រយុទ្ធប្រឆាំងនិងការរីករាលដាលកូវីដ-១៩ ពិសេសចូលរួមក្នុងសកម្មភាពការចាក់វ៉ាក់សាំងការពារជំងឺកូវីដ-១៩ ជូនដល់កងយោធពលខេមរភូមិន្ទយើងទូទាំងប្រទេស។ ឆ្លៀតក្នុងឱកាសនោះដែរ ឯកឧត្តម នាយឧត្តមសេនីយ៍ ក៏បានជូនពរដល់ក្រុមគ្រូពេទ្យ បុគ្គលិកទាំងអស់ក្នុងឱកាសបុណ្យចូលឆ្នាំថ្មីខាងមុខសូមមានសុខភាពល្អ និងត្រូវមានការប្រុងប្រយ័ត្នឲ្យបានខ្ពស់កុំឱ្យមានការឆ្លងកូវីដ-១៩ ដោយត្រូវរក្សាគម្លាតសុវត្ថិភាព និង អនុវត្ត ៣កុំ ៣ការពារ ឱ្យបានគ្រប់ៗគ្នា។
ឯកឧត្តម នាយឧត្តមសេនីយ៍ ម៉ឹង សំផន ក៏បានផ្តល់នូវសម្ភារៈ ថវិកាមួយចំនួនដល់មន្ទីរពេទ្យ និងអ្នកជំងឺជាកងទ័ពដែលកំពុងសម្រាកព្យាបាលមួយចំនួនផងដែរ ៕
