អភិបាលខេត្តត្បូងឃ្មុំ៖ ក្នុងឆ្នាំ២០១៨ រហូតដល់ ឆ្នាំ២០២១ ក្នុងខេត្តទំហំពាណិជ្ជកម្មមានការកើនឡើងគួរឲ្យកត់សម្គាល់
ភ្នំពេញ៖ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ បានមានប្រសាសន៍ថា ពាក់ព័ន្ធជាមួយបញ្ហាច្រកទ្វាព្រំដែន នៅក្នុងឆ្នាំ២០១៨ រហូតដល់ ឆ្នាំ២០២១នេះ ក្នុងខេត្តទំហំពាណិជ្ជកម្មមានការកើនឡើងគួរឲ្យកត់សម្គាល់។
ឯកឧត្តមបណ្ឌិតបញ្ជាក់ថា “នៅឆ្នាំ២០១៨យើងទទួលបានត្រឹមតែ ២៧៦លានដុល្លារសហរដ្ឋអាមេរិក រហូតដល់ឆ្នាំ២០២១នេះ យើងមានការកើនឡើងទំហំពាណិជ្ជកម្មឆ្លងដែនមានរហូតដល់ទៅ ៥៩០លានដុល្លរសហរដ្ឋអាមេរិក។
ឯកឧត្ដមមានប្រសាសន៏បែបនេះក្នុងឱកាសអញ្ជើញដឹកនាំគណៈប្រតិភូខេត្ត និងមន្ទីរអង្គភាពពាក់ព័ន្ធជុំវិញខេត្ត ចូលរួមសន្និសីទសារព័ត៌មានស្ដីពី “ភាពជោគជ័យក្នុងរយៈពេល៥ឆ្នាំកន្លងមក របស់រដ្ឋបាលខេត្តត្បូងឃ្មុំ” នាព្រឹកថ្ងៃទី២០ ខែមេសា ឆ្នាំ២០២៣ នៅឯទីស្ដីការគណៈរដ្ឋមន្រ្ដី រាជធានីភ្នំពេញ។
ឯកឧត្តមអភិបាលខេត្ត បានបន្តថា សម្រាប់ខេត្តត្បូងឃ្មុំរបស់យើងគឺមានច្រកចំនួន៧រួមមាន៖ ច្រកអន្តរជាតិចំនួន១, ច្រកទ្វេរភាគីចំនួន២, និងច្រកតំបន់ចំនួន៤ ដែលមានព្រំប្រទល់ជាប់ជាមួយប្រទេសវៀតណាម គឺមាន២ខេត្ត ដែលមានប្រវែង១៤៣គីឡូម៉ែត្រផងដែរ៕
