ឯកឧត្តម ស៊ុយ ឌីម៉ង់ ដឹកនាំកិច្ចប្រជុំពិនិត្យ និងពិភាក្សាលើរចនាសម្ព័ន្ធកម្មវិធីការងារឆ្នាំ២០២៤ របស់អគ្គនាយកដ្ឋានប្រេងកាត
ភ្នំពេញ៖ ឯកឧត្តម ស៊ុយ ឌីម៉ង់ រដ្ឋលេខាធិការក្រសួងរ៉ែនិងថាមពល នាព្រឹកថ្ងៃពុធ ៧កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី២៦ ខែមេសា ឆ្នាំ២០២៣ បានអញ្ជើញជាអធិបតីដឹកនាំកិច្ចប្រជុំពិនិត្យ និងពិភាក្សាលើរចនាសម្ព័ន្ធកម្មវិធីការងារឆ្នាំ២០២៤ របស់អគ្គនាយកដ្ឋានប្រេងកាត ដោយមានការចូលរួមពីសំណាក់ ឯកឧត្តម លោក លោកស្រីថ្នាក់ដឹកនាំអគ្គនាយកដ្ឋានប្រេងកាត និងមន្រ្ដីពាក់ព័ន្ធ សរុបប្រមាណ ៣០រូប។
កិច្ចប្រជុំនេះរៀបចំឡើងក្នុងគោលបំណង ដើម្បីពិនិត្យ និងកែសម្រួលនូវរចនាសម្ព័ន្ធកម្មវិធីការងារ និងរៀបចំនូវសូចនាកររបស់អគ្គនាយកដ្ឋានប្រេងកាត ដើម្បីបង្កើននូវប្រសិទ្ធិភាពក្នុងការអនុវត្តការងារ ដែលជាយុទ្ធសាស្រ្តសម្រាប់ជំរុញសកម្មភាពពាក់ព័ន្ធវិស័យប្រេងកាតឱ្យទទួលបានតាមទិសដៅកំណត់ទុក ដើម្បីចូលរួមសម្រេចនូវគោលបំណងគោលនយោបាយរបស់ក្រសួងរ៉ែនិងថាមពល ៕
