ឯកឧត្តម ជាម យៀប អញ្ជើញជប់លៀងអាហារថ្ងៃត្រង់ជូន គណៈប្រតិភូរដ្ឋសភា នៃប្រទេសនេប៉ាល់ ដែលបានមកបំពេញទស្សនកិច្ចជាផ្លូវការនៅកម្ពុជា

ភ្នំពេញ៖ ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ នៃរដ្ឋសភា នាព្រឹកថ្ងៃទី១ ខែឧសភា ឆ្នាំ២០២៣ បានអញ្ជើញជប់លៀងអាហារថ្ងៃត្រង់ជូនគណៈប្រតិភូរដ្ឋសភា នៃសាធារណរដ្ឋប្រជាធិបតេយ្យសហព័ន្ធនេប៉ាល់ ដឹកនាំដោយ​ ឯកឧត្តម Ganesh Prasad Timilsina ប្រធានរដ្ឋសភា នៃសាធារណរដ្ឋប្រជាធិបតេយ្យសហព័ន្ធនេប៉ាល់ ដែលអញ្ជើញមកបំពេញទស្សនកិច្ចជាផ្លូវការនៅព្រះរាជាណាចក្រកម្ពុជា មានរយ:ពេល៣ថ្ងៃ​ ចាប់ពីថ្ងៃទី១ ដល់ថ្ងៃទី៣ ខែឧសភា ឆ្នាំ២០២៣។

តាមកម្មវិធីគ្រោងទុក គណៈប្រតិភូរដ្ឋសភា​ នៃសាធារណរដ្ឋប្រជាធិបតេយ្យសហព័ន្ធនេប៉ាល់ នឹងចូលជួបសម្តែងការគួរសមជាមួយ​ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងប្រគល់គោរមងារ​ “ពុទ្ធមាមកាភិបាល នៃអង្គការពុទ្ធសាសនិកពិភពលោក” ( Patron of the WFB ) និង “បណ្ឌិតកិត្តិយស ផ្នែកមនុស្សសាស្ត្រ” ពីសាកលវិទ្យាល័យជាតិណេហ្គរី ប៉ាដាង នៃសាធារណរដ្ឋឥណ្ឌូនេស៊ី ជូន​ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី​ នៃព្រះរាជាណាចក្រកម្ពុជា ប្រគល់គោរមងារកិត្តិយស”​ ទីប្រឹក្សាជាន់ខ្ពស់នៃអង្គការពុទ្ធសាសនិកពិភពលោក” ជូន​ ឯកឧត្ដមនាយឧត្តមសេនីយ៍ បណ្ឌិត ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក និងចូលជួបសម្តែងការគួរសមជាមួយ​ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី​ នៃព្រះរាជាណាចក្រកម្ពុជា ៕