សម្តេច ម៉ែន សំអន សំណេះសំណាលជាមួយក្រុមសំដែងកំពុងហាត់សម ត្រៀមក្នុងពិធីបិទព្រឹត្តិការណ៍ស៉ីហ្គេមលើកទី៣២ ក្នុងឱកាសទិវាអ្នកម្តាយ
ភ្នំពេញ៖ សម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច នារសៀលថ្ងៃអាទិត្យ ១០រោច ខែពិសាខ ឆ្នាំថោះ បញ្ចស័ក ព.ស.២៥៦៧ ត្រូវនឹង ថ្ងៃទី១៤ ខែឧសភា ឆ្នាំ២០២៣ បានអញ្ជើញជួបសំណេះសំណាលជាមួយក្រុមសំដែងកំពុងហាត់សម ត្រៀមក្នុងពិធីបិទព្រឹត្តិការណ៍ស៉ីហ្គេមលើកទី៣២ ក្នុងឱកាសទិវាអ្នកម្តាយ នៅពហុកីឡដ្ឋានជាតិមរតកតេជោ។
គួររំលឹកផងដែរថា ពិធីបិទព្រឹត្តិការណ៍ស៉ីហ្គេមលើកទី៣២ នឹងប្រព្រឹត្តទៅនៅថ្ងៃទី១៧ ខែឧសភា ឆ្នាំ២០២៣ នៅពហុកីឡដ្ឋានជាតិមរតកតេជោ ក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន។
ឆ្លៀតក្នុងឱកាសនោះផងដែរ សម្តេចកិត្តិសង្គហបណ្ឌិត ក៏បានសំដែងនឹករលឹក និងអរគុណដល់សំដែងទាំងអស់ដែលបាននឹងកំពុងហាត់សម និងបានផ្តាំផ្ញើរឲ្យក្រុមសំដែងទាំងអស់ត្រូវយកចិត្តទុក្ខដាក់ខ្ពស់ក្នុងការហ្វឹកហាត់ ដើម្បីត្រៀមបញ្ចេញឲ្យអស់ពីសមត្ថភាព នៅថ្ងៃបិទព្រឹត្តិការណ៍ស៉ីហ្គេមលើកទី៣២ នាពេលខាងមុខនេះ ៕