កម្ពុជាត្រូវបានទទួលស្គាល់ថាជាប្រទេស ដែលមានសត្វក្រពើភ្នំច្រើនជាងគេ លើពិភពលោក

ភ្នំពេញ៖ ក្រសួងបរិស្ថានបានបញ្ជាក់ដោយដកស្រង់ប្រភពពី FFI ថា ក្រពើភ្នំចំនួន ១៤៦ ក្បាល ត្រូវបានលែងចូលក្នុងជម្រកធម្មជាតិ ដើម្បីបង្កើនចំនួនរបាយសត្វក្រពើភ្នំ នៅក្នុងធម្មជាតិឡើងវិញ។

ក្រសួងបញ្ជាក់ថា កម្ពុជាដែលត្រូវបានទទួលស្គាល់ថាជាប្រទេស ដែលមានសត្វក្រពើភ្នំច្រើនជាងគេ លើពិភពលោក ដែលមានប្រមាណ ៣០០ក្បាល ខណៈចំនួនសរុបនៅលើពិភពលោកមានប្រមាណ ១០០០ ក្បាលប៉ុណ្ណោះ។

ក្រសួងនរិស្ថានបន្ថែមថា កិច្ចការអភិរក្សកន្លងទៅបានផ្តល់ផល ជាទីមោទនៈ ដែលបង្ហាញពីកិច្ចខិតខំប្រឹងប្រែង រួមគ្នារបស់រាជរដ្ឋាភិបាលកម្ពុជា និងអ្នកអភិរក្ស ក្នុងការបង្កើនចំនួនសត្វក្រពើភ្នំ ក្នុងតំបន់ការពារធម្មជាតិកម្ពុជា៕