ផ្ទះប្រជាពលរដ្ឋជាច្រើនខ្នង នៅក្នុងភូមិអ្នកតាទ្វា ឃុំឫស្សីក្រាំង រងការប៉ះពាល់ ដោយសារភ្លៀងលាយឡំខ្យល់កន្ត្រាក់
បាត់ដំបង៖ យោងតាមការបង្ហោះរបស់ប្រជាពលរដ្ឋបាន បញ្ជាក់ថា មានផ្ទះប្រជាពលរដ្ឋជាច្រើនខ្នង នៅក្នុងភូមិអ្នកតាទ្វា ស្ថិតក្នុងឃុំឫស្សីក្រាំង ស្រុកមោងឫស្សី ខេត្តបាត់ដំបង បានរងការប៉ះពាល់ ដោយសារភ្លៀងលាយឡំ ខ្យល់កន្ត្រាក់ ដែលមានផ្ទះខ្លះដួលរលំ និងខ្លះទៀតប៉ើងដំបូល។
ពលរដ្ឋដដែលបញ្ជាក់ថា ហេតុការណ៍នេះ បានកើតឡើង កាលពីល្ងាចថ្ងៃទី២០ ខែឧសភា ឆ្នាំ២០២៣ ប៉ុន្តែមិនបណ្ដាលឲ្យមានមនុស្សស្លាប់ ឬរបួសនោះទេ។
ជាមួយគ្នានោះសូមអំពាវនាវដល់ប្រជាពលរដ្ឋគ្រប់រូបសូមមានការប្រុងប្រយ័ត្នពេលមានមេឃភ្លៀងម្ដងៗ ដែលអាចកើតមានគ្រោះធម្មជាតិ ដូចជារន្ទះបាញ់ ខ្យល់កន្ត្រាក់ដែលអាចកើតឡើងជាយថាហេតុណាមួយ៕
