ឧបនាយករដ្ឋមន្ត្រី យឹម ឆៃលី អញ្ជើញជួបសំណេះសំណាលជាមួយ ប្រធាន អនុប្រធានសាខាបក្សភូមិ ប្រធាន អនុប្រធានក្រុមបក្ស សង្កាត់វាលវង់ ក្រុងកំពង់ចាម

ភ្នំពេញ៖ ឯកឧត្តមវេជ្ជបណ្ឌិត យឹម ឆៃលី ឧបនាយករដ្ឋមន្ត្រី សមាជិកគណៈអចិន្ត្រៃយ៍គណៈកម្មាធិការកណ្តាល និងជាប្រធានក្រុមការងារថ្នាក់ជាតិ និងគណបក្សចុះជួយខេត្តកំពង់ចាម នារសៀលថ្ងៃសៅរ៍ ទី២៧ ខែឧសភា ឆ្នាំ២០២៣ បានអញ្ជើញជាអធិបតីក្នុងពិធីជួបសំណេះសំណាលជាមួយ ប្រធាន អនុប្រធានសាខាបក្សភូមិ ប្រធាន អនុប្រធានក្រុមបក្ស សង្កាត់វាលវង់ ក្រុងកំពង់ចាម។

ពិធីនេះប្រព្រឹត្តទៅនៅសាលប្រជុំសសរ១០០ សម្តេចតេជោ ក្នុងបរិវេណមណ្ឌលអភិរក្សសួនក្រញូង នគរបាជ័ ក្រុងកំពង់ចាម ដោយមានការចូលរួមពីសំណាក់ ឯកឧត្តម អ៊ុន ចាន់ដា សមាជិកគណៈកម្មធិការកណ្តាល ប្រធានគណៈកម្មាធិការគណបក្សខេត្ត និងជាប្រធានក្រុមការងារចុះជួយក្រុងកំពង់ចាម ឯកឧត្តម លោកជំទាវ សមាជិក សមាជិកាព្រឹទ្ធសភា រដ្ឋសភា ឯកឧត្តម លោកជំទាវអ្នកតំណាងរាស្ត្រ ក្រុមការងារគណបក្សចុះជួយក្រុង សង្កាត់ទាំង៤ គណៈអចិន្ត្រៃយ៍បក្សខេត្ត/ក្រុង និងមន្ត្រីគណបក្សមូលដ្ឋាន ព្រមទាំងមន្ត្រីគណបក្សពាក់ព័ន្ធមួយចំនួនទៀត ដែលមានអ្នកចូលរួមប្រមាណ ២,០៤០នាក់។

ក្នុងឱកាសនោះដែរ ឯកឧត្តមឧបនាយករដ្ឋមន្ត្រី ក៏បានឧបត្ថម្ភថវិកា ជូនដល់សមាជិក សមាជិកា ដែលបានចូលរួមទាំងអស់ ក្នុងម្នាក់ៗទទួលបាន ២មុឺនរៀលផងដែរ ៕