ឧត្តមសេនីយ៍ត្រី លឹម សុវណ្ណ ផ្សព្វផ្សាយសភាពការណ៍ថ្មីៗ និងឯកសារជំនួយស្មារតី ដល់នាយទាហាន ពលទាហាន ចំណុះយោធភូមិភាគទី៥

ភ្នំពេញ៖ ឧត្តមសេនីយ៍ត្រី លឹម សុវណ្ណ នាយសេនាធិការរង យោធភូមិភាគទី៥ នៅថ្ងៃទី៣១ ខែឧសភា ឆ្នាំ២០២៣ បានអញ្ជើញផ្សព្វផ្សាយសភាពការណ៍ថ្មីៗ និងឯកសារជំនួយស្មារតី ឆ្នាំ២០២៣ ដល់នាយទាហាន នាយទាហានរង និងពលទាហានចំណុះទីបញ្ជាការយោធភូមិភាគទី៥ នៅទីបញ្ជាការ យោធភូមិភាគទី៥។

ក្នុងឱកាសនេះ លោកនាយសេនាធិការរង បានផ្សព្វផ្សាយពីការវិវឌ្ឍន៍សភាពការណ៍អន្តរជាតិ សភាពការណ៍ក្នុងតំបន់ និងសភាពការណ៍ជាតិ វាយបកសង្រ្គាមចិត្តសាស្រ្ត ព្រមទាំងគោរពអនុវត្តឲ្យបាននូវច្បាប់ លក្ខន្តិក: បទវិន័យទូទៅ បទវិន័យផ្ទៃក្នុង និងបទបញ្ញត្តិ ៦មិន ៨ត្រូវ របស់កងយោធពលខេមរភូមិន្ទ ឲ្យដល់នាយទាហាន នាយទាហានរង ពលទាហាន ចំណុះទីបញ្ជាការយោធភូមិភាគទី៥ ដើម្បីឲ្យយល់ជ្រួតជ្រាបកាន់តែច្បាស់បន្ថែម ពិសេសមិនឲ្យចាញ់បោកមនោគមវិទ្យា សង្គ្រាមចិត្តសាស្ត្ររបស់ពួកអមិត្ត។

ជាចុងបញ្ចប់ ឧត្តមសេនីយ៍ត្រី បានសង្កត់ធ្ងន់ទៅលើភារកិច្ចជាយោធិនត្រូវស្មោះត្រង់ការពារជាតិ សាសនា ព្រះមហាក្សត្រ ការពាររដ្ឋធម្មនុញ្ញ ការពាររាជរដ្ឋាភិបាលស្របច្បាប់ ការពារឲ្យបានដាច់ខាតនូវបូរណភាពដែនដី អនុវត្តឲ្យបានដាច់ខាតអនុសាស១០ចំណុចរបស់ សម្តេចតេជោ និងប្រឆាំងដាច់ខាតចំពោះការប៉ុនប៉ងរបស់ជនអគតិ ដែលមានបំណងបំផ្លិចបំផ្លាញសន្តិភាព ដែលជាទ្រព្យសម្បត្តិមហាសាល របស់ប្រទេសជាតិមាតុភូមិ និងប្រជាជន បន្តគាំទ្របេក្ខភាព សម្តេចតេជោ ជានាយករដ្ឋមន្រ្តី និតិកាលទី៧នៃរដ្ឋសភា ព្រមទាំងគាំទ្របេក្ខភាព ឯកឧត្តម បណ្ឌិត ហ៊ុន ម៉ាណែត ជានាយករដ្ឋមន្រ្តីនាពេលអនាគត៕