ឯកឧត្តម ខូយ រីដា អញ្ជើញក្នុងពិធីដាំកូនឈើ នៅតំបន់ទំនាប នៃបឹងទន្លេសាប ស្ថិតក្នុងភូមិកំពង់ប្រាក់ ឃុំស្នាអន្សា ស្រុកក្រគរ រៀបចំដោយអង្គការអភិរក្សអន្តរជាតិ និងអង្គការអភិវឌ្ឍន៍នារីខ្មែរ
ភ្នំពេញ៖ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ នាព្រឹកថ្ងៃទី០៦ ខែមិថុនា ឆ្នាំ២០២៣ បានអញ្ជើញជាអធិបតីក្នុងពិធីដាំកូនឈើ នៅតំបន់ទំនាប នៃបឹងទន្លេសាប ស្ថិតក្នុងភូមិកំពង់ប្រាក់ ឃុំស្នាអន្សា ស្រុកក្រគរ ខេត្តពោធិ៍សាត់ ដែលរៀបចំដោយអង្គការអភិរក្សអន្តរជាតិ និងអង្គការអភិវឌ្ឍន៍នារីខ្មែរ (ANKO)។
ពិធីនេះធ្វើឡើង ក្នុងគោលបំណង ដើម្បីចូលរួមជាមួយរាជរដ្ឋាភិបាល ក្នុងការស្តារឡើងវិញ នូវជីវចម្រុះ នៅតំបន់ជុំវិញបឹងទន្លេសាប ក្នុងប្រទេសកម្ពុជាយើង ជាពិសេសព្រៃលិចទឹក។
តាមផែនការដាំ និងស្តារព្រៃលិចទឹកឡើងវិញ របស់អង្គការអភិរក្សអន្តរជាតិ និងអង្គការអភិវឌ្ឍន៍នារីខ្មែរ (ANKO) គឺមានចំនួន១៨២ហិកតា លើស្រុកគោលដៅចំនួន៣ គឺស្រុកក្រគរ ស្រុកកណ្តៀង និងស្រុកបាកាន ជាក់ស្តែងនាព្រឹកនេះ កូនឈើប្រមាណជា ៤៥០ដើម ត្រូវបានដាំជានិមិ្មតរូប ព្រមទាំងបន្តដាំ ទៅតាមគោលដៅផ្សេងៗទៀត ៕
