ឯកឧត្តម គៀត ច័ន្ទថារិទ្ធ សង្កត់ធ្ងន់លេីការពង្រឹង ចិញ្ចឹមចលនាឲ្យបានល្អប្រសេីរជាប្រចាំ ត្រូវដោះស្រាយនូវសំណូមពរជូនប្រជាពលរដ្ឋឲ្យបានទាន់ពេលវេលា
ភ្នំពេញ៖ ឯកឧត្តម គៀត ច័ន្ទថារិទ្ធ សមាជិកគណៈកម្មាធិការកណ្តាលអនុប្រធានទី១ក្រុមការងារស្រុកបាណន់ និងជាប្រធានក្រុមការងារចុះជួយឃុំស្នឹង នារសៀលថ្ងៃសៅរ៍ ៧ រោច ខែជេស្ឋ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១០ ខែមិថុនា ឆ្នាំ២០២៣ បានដឹកនាំកិច្ចប្រជុំប្រចាំខែមិថុនា និងត្រួតពិនិត្យផែនការឆ្ពោះទៅកាន់ការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣។ កិច្ចប្រជុំនេះដែរក៏មានអញ្ជើញចូលរួមដោយ ឯកឧត្តម កែវ វណ្ណថន អនុប្រធានទី១ក្រុមការងារឃុំ ឯកឧត្តម អស់លោក លោកស្រី អនុប្រធានក្រុមការងារឃុំ ក្រុមការងារភូមិទាំង១១ និងលោក លោកស្រី សមាជិកអចិន្ត្រៃយ៍បក្សឃុំ សាខាបក្សភូមិ សរុប៥៥នាក់ ស្រី៨នាក់ ក្នុងក្រុមការងារថ្នាក់កណ្តាលចំនួន២៩នាក់។
ក្នុងប្រជុំនោះដែរ ឯកឧត្តម គៀត ច័ន្ទថារិទ្ធ បានសង្កត់ធ្ងន់ប្រាប់ទៅអង្គប្រជុំលេីការពង្រឹង ចិញ្ចឹមចលនាឲ្យបានល្អប្រសេីរជាប្រចាំ ត្រូវដំណោះស្រាយនូវសំណូមពរជូនប្រជាពលរដ្ឋឲ្យបានទាន់ពេលវេលា ដែលប្រជាជនរស់នៅឃុំស្នឹងសំណូមពរ។
សូមបញ្ជាក់ថាដោយមានការយកចិត្តទុកដាក់យ៉ាងជ្រាលជ្រៅ ពីឯកឧត្តមប្រធានក្រុមការងាររាជរដ្ឋាភិបាលចុះជួយឃុំស្នឹង បានឆ្លេីយតបទៅនឹងសំណូមពររបស់ប្រជាពលរដ្ឋរស់នៅក្នុងឃុំស្នឹង ដោយការផ្ដល់លូចំនួន ៥២កង់ ជូនដល់ភូមិបឹងចែង និងភូមិស្នឹងលិច កាយប្រឡាយរំដោះទឹកចម្ងាយ ៦០០ម៉ែត្រ ៕
