ឯកឧត្តម កែវ រតនៈ និងឯកឧត្តម ខូយ រីដា អញ្ជើញជួបសំណេះសំណាល និងប្រគល់ជូនប័ណ្ណថ្លែងអំណរគុណ ជូនដល់ក្រុមគ្រូពេទ្យស្ម័គ្រចិត្ត មកពីប្រទេសម៉ាឡេស៊ី ចំនួន៣០នាក់

ភ្នំពេញ៖ ឯកឧត្តម កែវ រតនៈ រដ្ឋមន្ត្រី ប្រតិភូអមនាយករដ្ឋមន្ត្រី អគ្គនាយកអគ្គិសនីកម្ពុជា ប្រធានក្រុមការងាររាជរដ្ឋាភិបាលចុះជួយស្រុកក្រគរ និងស្រុកកណ្តៀង និងជាបេក្ខជនតំណាងរាស្ត្រខេត្តពោធិ៍សាត់ និងឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ នៅថ្ងៃទី១១ ខែមិថុនា ឆ្នាំ២០២៣នេះ បានអញ្ជើញជួបសំណេះសំណាល និងប្រគល់ជូនប័ណ្ណថ្លែងអំណរគុណ ជូនដល់ក្រុមគ្រូពេទ្យស្ម័គ្រចិត្ត មកពីប្រទេសម៉ាឡេស៊ី ចំនួន៣០នាក់ ដែលបានមកពិនិត្យ និងព្យាបាលជំងឺភ្នែក ដោយឥតគិតថ្លៃ ជូនដល់ប្រជាពលរដ្ឋ ក្នុងស្រុកកណ្តៀង និងស្រុកក្រគរ រយៈពេល២ថ្ងៃ ចាប់ពីថ្ងៃទី០៩ ដល់ថ្ងៃទី១០ ខែមិថុនា ឆ្នាំ២០២៣ ដោយក្នុងនោះ ស្រុកកណ្តៀង បានចំនួន៨៨៥នាក់ និងស្រុកក្រគរ បានចំនួន១,២៨២នាក់ ៕