ទេសរដ្ឋមន្តី អៀង មូលី ដឹកនាំកិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី១ ឆ្នាំ២០២៣

ភ្នំពេញ៖ ថ្លែងបិទកិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី១ ឆ្នាំ២០២៣ នៅអគារមិត្តភាព ទីស្តីការគណៈរដ្ឋមន្តី នៅព្រឹកថ្ងៃទី១៥ ខែមិថុនា ឆ្នាំ២០២៣ ឯកឧត្តមទេសរដ្ឋមន្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍បានសម្ដែងនូវការកោតសរសើរដ៏ស្មោះបំផុត ជូន សមាជិក សមាជិកានៃអង្គពិធីទាំងមូលថា ក្នុងរយៈពេលបីឆ្នាំចុងក្រោយនេះ រាជរដ្ឋាភិបាលបានចូលរួម វិភាជន៍ថវិកាលើការឆ្លើយតបមេរោគអេដស៍ចំនួនប្រមាណ២៣% ធៀបនឹងចំនួនថវិកាសរុបសម្រាប់ ការឆ្លើយតបនឹងមេរោគអេដស៍និងជំងឺអេដស៍។

ឯកឧត្តមទេសរដ្ឋមន្ត្រីបន្តថា តាមរយៈសូចនាកររួមតាមដានរួមគ្នាឆ្នាំ២០១៩- ២០២៣ ដែលរាជរដ្ឋាភិបាលប្ដេជ្ញាអនុវត្តដោយមានការគាំទ្រពីរាជរដ្ឋាភិបាល ដល់ឆ្នាំ២០២០. ថវិកា ក្នុងស្រុកបានកើនដល់៣៥% នៃការចំណាយលើការងារអេដស៍។ នៅឆ្នាំ២០២៣ រាជរដ្ឋាភិបាលក៏ បានវិភាជន៍ថវិកាចំនួន៦០លានរៀលក្នុងមួយឆ្នាំក្នុងមួយខេត្ត ដល់ខេត្តចំនួន១១ និងនៅឆ្នាំ២០២៤ រាជរដ្ឋាភិបាលក៏បានគ្រោងវិភាជន៍ថវិកាចំនួន៤០លានរៀលក្នុងមួយឆ្នាំក្នុងមួយខេត្ត ដល់ខេត្តចំនួន១០ ចុងក្រោយទៀត។

ឯកឧត្តមទេសរដ្ឋមន្ត្រីបន្ថែមថា ជាសរុបចាប់ពីឆ្នាំ២០២២. ដើម្បីជំរុញការងារឆ្លើយតបមេរោគអេស៍ និងជំងឺ អេដស៍នៅថ្នាក់ក្រោមជាតិ រាជរដ្ឋាភិបាលបាន និងគ្រោងវិភាជន៍ថវិកាចំនួន១,៣៨០លានរៀលក្នុង មួយឆ្នាំ ដល់គណៈកម្មាធិការប្រយុទ្ធនឹងជំងឺអេដស៍ រាជធានី ខេត្តទាំង២៥ សម្រាប់កម្មវិធីប្រយុទ្ធនិង ជំងឺអេដស៍នៅថ្នាក់ក្រោមជាតិ៕