ព្រះអង្គម្ចាស់ នរោត្តម ចក្រាវុធ អំពាវនាវដល់ប្រជារាស្ត្រខ្មែរ អញ្ចើញទៅបោះឆ្នោត ជ្រើសតាំងតំណាងរាស្ត្រ អាណត្តិទី៧ គ្រប់ៗគ្នា ដើម្បីជ្រើសរើសមេដឹកនាំប្រទេស និងការកសាងប្រទេសជាតិឱ្យរុងរឿង

ភ្នំពេញ៖ នាព្រឹកថ្ងៃទី១៥ ខែមិថុនា ឆ្នាំ២០២៣ ព្រះប្រធានគណបក្សហ៊្វុនស៊ិនប៉ិច ព្រះអង្គម្ចាស់ នរោត្តម ចក្រាវុធ បានយាងសំណេះសំណាល ជាមួយសមាជិកសមាជិកា អ្នកគាំទ្រ ប្រមាណជាង ៦០០នាក់ ស្ថិតនៅឃុំអញ្ចើម ស្រុកត្បូងឃ្មុំ ខេត្តត្បូងឃ្មុំ។

មានព្រះបន្ទូលនាឱកាសនោះ ព្រះអង្គម្ចាស់ ព្រះប្រធានគណបក្សរាជានិយម ហ៊្វុនស៊ិនប៉ិច បានអំពាវនាវដល់ប្រជារាស្ត្រខ្មែរ អញ្ចើញទៅបោះឆ្នោត ជ្រើសតាំងតំណាងរាស្ត្រ អាណត្តិទី៧ នាថ្ងៃទី២៣ ខែកក្កដា ឆ្នាំ២០២៣ គ្រប់ៗគ្នា ដើម្បីជ្រើសរើសមេដឹកនាំប្រទេស ដើម្បីចូលរួមអនុវត្តលទ្ធិប្រជាធិបតេយ្យ ពិសេសកសាងប្រទេសជាតិឱ្យមានការរីកចម្រើនតាមរយៈការទៅបោះឆ្នោត ហើយសន្លឹកឆ្នោតមួយសន្លឹករបស់បងប្អូនដើម្បីសម្រេចជោគវាសនារបស់ប្រទេសជាតិ៕