នាយឧត្តមសេនីយ៍ ហ៊ីង ប៊ុនហៀង អញ្ជើញសម្ភោធសមិទ្ធិផលនានាក្នុងនៅវត្តទួលសាលា ឃុំអន្លង់រមៀត និងសំណេះសណាល ជាមួយប្រជាពលរដ្ឋ ក្នុងឃុំអន្លង់រមៀត ស្រុកកណ្តាលស្ទឹង

ភ្នំពេញ៖ ឯកឧត្តម នាយឧត្តមសេនីយ៍ កិត្តិបណ្ឌិត ហ៊ីង ប៊ុនហៀង អនុប្រធានក្រុមការងាររាជរដ្ឋាភិបាលចុះមូលដ្ឋានខេត្តកណ្តាល និងជាប្រធានក្រុមការងាររាជរដ្ឋាភិបាល ចុះមូលដា្ឋនស្រុកកណ្តាលស្ទឹង តំណាងដ៏ខ្ពង់ខ្ពស់ សម្ដេចអគ្គមហាសនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅថ្ងៃទី១៨ ខែមិថុនា ឆ្នាំ២០២៣ បានអញ្ជើញជាអធិបតីក្នុងពិធីសម្ភោធសមិទ្ធិផលនានាក្នុងនៅវត្តទួលសាលា ឃុំអន្លង់រមៀត និងសំណេះសណាល ជាមួយប្រជាពលរដ្ឋ ក្នុងឃុំអន្លង់រមៀត ស្រុកកណ្តាលស្ទឹង ខេត្តកណ្ដាល។

លោក អ៊ូច សៅវឿន អភិបាលស្រុកកណ្ដាលស្ទឹង បានឱ្យដឹងថា សមិទ្ធផលមួយចំនួន ក្នុងវត្តទួលសាលា ឃុំអន្លង់មៀត ដែលត្រូវសម្ភោធដាក់ឱ្យប្រើប្រាស់រួមមាន៖
១.សាលាធម្មសភាទទឹង ២៥ម៉ែត្រx៤៤ម៉ែត្រ
២.អំពូលសូឡា ១០០អំពូល, សត្វហង្សចំនួន២, មន្ទីរចូលបច្ច័យចំនួន ១ខ្នង
៣.ចាក់សាបក្នុងបរិវេណវត្ត និងធ្វើផ្លូវបេតុងអាមេក្នុងទីធ្លាវត្ត
៤.របងជុំវិញសាលាបឋមសិក្សាទួលសាលា
៥.សាលារៀនវត្តទួលសាលាចំនួន ៤ខ្នង
៦.របងជុំវិញវត្តទួលសាលា
៧.ព្រះវិហារវត្តទួលសាលា
សរុបបច្ច័យកសាងចំនួន ១,០៨១,១៦៨ដុល្លារអាមេរិក ដែលបានផ្ដួចផ្ដើមកសាងដោយឯកឧត្តម នាយឧត្ដមសេនីយ៍ កិត្តិបណ្ឌិត ហ៊ីង ប៊ុនហៀង និងលោកជំទាវ ព្រមទាំង ឯកឧត្តម លោកជំទាវ ជាសប្បុរសជន ព្រះសង្ឃ គណៈកម្មាធិការអាចារ្យវត្ត និងពុទ្ធបរិស័ទចំណុះជើងវត្តទាំងជិតឆ្ងាយបានរួមគ្នាសាងសង់រួចជាស្ថាពរ ៕