កម្មវិធីបណ្តុះបណ្តាល ហូកា ជាចលករសំខាន់ក្នុងការអភិវឌ្ឍ ន៍ធនធានមនុស្សក្នុងវិស័យទេសចរណ៍

ភ្នំពេញ៖ នាឱកាសសន្និបាតបូកសរុបការងារទេសចរណ៍ ការបូកសរុបផែនការស្តារ និងលើកស្ទួយវិស័យទេសចរណ៍កម្ពុជាក្នុងនិងក្រោយវិបត្តិជំងឺកូវីដ-១៩ ឆមាសទី២ ឆ្នាំ២០២២ ឆមាសទី១ ឆ្នាំ២០២៣ និងលើកទិសដៅអនុវត្តបន្ត ឆ្នាំ២០២៣-២០២៤
នាថ្ងៃទី២១ ខែមិថុនា ឆ្នាំ២០២៣ នៅសណ្ឋាគារសុខារ៉េស៊ីដង់ភ្នំពេញ ថ្នាក់ដឹកនាំក្រសួងទេសចរណ៍បានថ្លែងពីកិច្ចខំប្រឹងប្រែងរបស់គណៈកម្មការគ្រប់គ្រងគម្រោង ហូកា នៃក្រសួងទេសចរណ៍ ក្រោមកិច្ចសហការជាមួយអង្គការ SwissContact ក្នុងការបណ្តុះបណ្តាលជំនាញបដិសណ្ឋារកិច្ចដល់យុវជនក្រីក្រ ងាយរងគ្រោះ អ្នកជំនាញទេសចរណ៍ អ្នកគ្រប់គ្រងនិងម្ចាស់អាជីវកម្មទេសចរណ៍ នៅតាមខេត្តគោលដៅចំនួនចំនួន១០ ទូទាំងប្រទេសរួមមាន៖ ខេត្តក្រចេះ ស្ទឹងត្រែង ព្រះវិហារ រតនគិរី មណ្ឌលគិរី ពោធិ៍សាត់ បាត់ដំបង ប៉ៃលិន បន្ទាយមានជ័យ និងឧត្តរមានជ័យ។

ឯកឧត្តម ទិត ចន្ថា រដ្ឋលេខាធិការប្រចាំការនៃក្រសួងទេសចរណ៍ បានថ្លែងថា នៅឆ្នាំ២០២២ គណៈកម្មការគ្រប់គ្រងគម្រោង ហូកា បានបណ្តុះបណ្តាលអ្នកជំនាញសរុបចំនួន ១.៥១៤នាក់ លើជំនាញការិយាល័យជួរមុខ គេហកិច្ច សេវាកម្មម្ហូបអាហារនិងភេជ្ជៈ ចុងភៅ ជំនាញឆុងកាហ្វេ មគ្គុទ្ទេសក៍ទេសចរណ៍សហគមន៍ និងកម្មវិធីហ្វឹកហាត់ការងារ (PIP) ហើយនៅឆ្នាំ២០២៣ នេះកម្មវិធី ហូកា កំពុងពង្រីកវិសាលភាពបណ្តុះបណ្តាលរបស់ខ្លួនកាន់តែល្អប្រសើរប្រកបដោយគុណភាព ប្រសិទ្ធភាព និងឆ្ពោះទៅនិរន្តរភាពបណ្តុះបណ្តាលថ្នាក់ខេត្តផងដែរ។

សូមជម្រាបផងដែរថាក្នុងកម្មវិធីខាង គណៈកម្មការគ្រប់គ្េងគម្រោង ហូកា បានរៀបចំតាំងបង្ហាញកម្មវិធីបណ្តុះបណ្តាលបដិសណ្ឋារកិច្ច សមិទ្ធផលសំខាន់ៗដែលបានអនុវត្តកន្លងមក និងការតាំងបង្ហាញជំនាញវិជ្ជាជីវៈទេសចរណ៍សំខាន់ៗរួមមាន៖ ការរៀបចំតុអាហារ (Fine Dining Table Setup) ការបត់កន្សែង (Napkin Folding) សេវាកម្មម្ហូបអាហារនិងភេសជ្ជៈ (Food and Beverage Services) ជំនាញឆុងកាហ្វេដោយម៉ាស៊ីន និងដោយដៃ (Coffee Making and Hand brew) ក្រោមកិច្ចសហការជាមួយក្រុមហ៊ុន GBS Beverages ផងដែរ ៕