លោក Lukashenko បញ្ជាក់ថា ប្រធានក្រុមយោធា Wagner បច្ចុប្បន្នកំពុងស្ថិតនៅក្នុងប្រទេសបេឡារុស្ស

បេឡារុស្ស៖ លោកប្រធានាធិបតីបេឡារុស្ស Alexander Lukashenko បានបញ្ជាក់កាលពីថ្ងៃអង្គារថាលោក Yevgeny Prigozhin ដែលជាប្រធានក្រុមយោធា Wagner បច្ចុប្បន្នកំពុងស្ថិតនៅក្នុងប្រទេសបេឡារុស្ស នេះបើយោងតាមសារព័ត៌មានរដ្ឋ Belta បានរាយការណ៍។

លោក Alexander Lukashenko បានឲ្យដឹងថា ប្រធានាធិបតីរុស្ស៊ី លោក Vladimir Putin អាចផ្តល់ការធានាសន្តិសុខចាំបាច់។

ដូចដែលបានសន្យា លោក Alexander Lukashenko នឹងអនុញ្ញាតឱ្យសមាជិកក្រុមទាហាន Wagner ស្នាក់នៅប្រទេសបេឡារុសមួយរយៈ លោកប្រធានាធិបតីបេឡារុសបានបន្ថែមថាលោកបានយល់ព្រមជាមួយរដ្ឋមន្ត្រីការពារជាតិបេឡារុស Viktor Khrenin ដែលមុននេះបានបញ្ជាក់ថាលោក នឹងមិនខ្វល់ថាមានអង្គភាពបែបនេះនៅក្នុងជួរកងទ័ពទេ និង Belta បានរាយការណ៍ថាបានស្នើសុំឱ្យលោកពិភាក្សាអំពីបញ្ហានេះជាមួយអ្នកតំណាងក្រុមទាហាន Wagner។

ប្រភព៖ Xinhua

ប្រែសម្រួលដោយ៖ [ឡាយ លីហួ]