សម្តេច សាយ ឈុំ អញ្ជើញចុះជួបសំណេះសំណាលជាមួយ សមាជិក សមាជិកា ក្រុមឃោសនិកគណបក្សនៅសង្កាត់ទួលស្វាយព្រៃទី១ និងទី២ ខណ្ឌបឹងកេងកង

ភ្នំពេញ៖ សម្តេចវិបុលសេនាភក្តី សាយ ឈុំ អនុប្រធានគណបក្សប្រជាជនកម្ពុជា និងជាប្រធានក្រុមការងាររបស់គណបក្សចុះមូលដ្ឋានរាជធានីភ្នំពេញ នាល្ងាចថ្ងៃទី០៥ ខែកក្កដា ឆ្នាំ២០២៣ បានអញ្ជើញចុះជួបសំណេះសំណាលជាមួយ សមាជិក សមាជិកា ក្រុមឃោសនិកគណបក្សនៅសង្កាត់ទួលស្វាយព្រៃទី១ និងសង្កាត់ទួលស្វាយព្រៃទី២ ក្នុងខណ្ឌបឹងកេងកង រាជធានីភ្នំពេញ។

ក្នុងឱកាសនោះ សម្តេចវិបុលសេនាភក្តី សាយ ឈុំ បានមានប្រសាសន៍លើកទឹកចិត្ត និងជំរុញឲ្យបងប្អូន សមាជិក សមាជិកា ដូចខាងក្រោម៖
-បន្តផ្សព្វផ្សាយ គោលនយោបាយរបស់គណបក្សឲ្យបានទូលំទូលាយ ដល់សមាជិកា សមាជិកគណបក្ស និងបងប្អូនប្រជាពលរដ្ឋ នៅក្នុងមូលដ្ឋាន រហូតដល់ថ្ងៃបញ្ចប់យុទ្ធនាការឃោសនាបោះឆ្នោត។
-បន្តចុះជួប សមាជិកបក្ស និងប្រជាពលរដ្ឋគ្រប់មជ្ឈដ្ឋាន នៅតាមខ្នងផ្ទះ បិទផ្សព្វផ្សាយ និងចែកខិតប័ណ្ណ និងសារនយោបាយជូនបងប្អូនហើយផ្តោតសំខាន់លើការបង្រៀនឲ្យចេះគូស លើសន្លឹកឆ្នោត និងគូសឲ្យចំលេខរៀងរបស់គណបក្ស។
-សូមប្រឹងប្រែងបន្តទៀត ក្នុងការបំផុសចលនា សមាជិកបក្ស ប្រជាពលរដ្ឋ ឲ្យទៅចូលរួមបោះឆ្នោត នៅថ្ងៃទី២៣ កក្កដា ២០២៣ ខាងមុខនេះ ឲ្យបានច្រើនកុះករដើម្បីអនុវត្តសិទ្ធបោះឆ្នោតរបស់ប្រជាពលរដ្ឋដូចមានចែងក្នុងរដ្ឋធម្មនុញ្ញផង និងដើម្បីការពារសុខសន្តិភាពនិងសម្រេចនូវជោគវាសនារបស់ខ្លួនយើងផ្ទាល់ និងក្រុមគ្រួសារ សង្គមជាតិ និងប្រទេសជាតិយើង ៕