ឯឧត្ដមកិត្តិបណ្ឌិត ហ៊ីង ប៊ុនហៀង បន្តជួបសំណេះសំណាលជាមួយ សមាជិកសមាជិកាគណបក្សឃុំចំនួន ៩ឃុំ និងក្រុមបក្ស ៣១១៨នាក់
ភ្នំពេញ៖ ឯឧត្ដមកិត្តិបណ្ឌិត ហ៊ីង ប៊ុនហៀង សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋាន ស្រុកកណ្តាលស្ទឹង ខេត្តកណ្តាល នាថ្ងៃទី៦ ខែកក្កដា ឆ្នាំ២០២៣នេះ បានបន្តអញ្ជើញជួបសំណេះសំណាលជាមួយ សមាជិកសមាជិកាគណបក្សឃុំចំនួន៩ឃុំ និងប្រធានមណ្ឌលសកម្មភាពបក្ស ព្រមទាំងក្រុមបក្សចំនួន ៣១១៨នាក់ បន្ថែមទៀត ដែលក្នុងនោះ ឯឧត្ដមកិត្តិបណ្ឌិត ហ៊ីង ហៀង បានជួបសំណេះសំណាលចំនួន៩ឃុំរួចមកហើយកាលពីម្សិលមិញ ដែលមានសមាសភាពចូលរួមចំនួន ៣០៤៥នាក់ ។
សូមបញ្ជាក់ផងដែរថា ដោយអនុវត្តតាមប្រសាសន៏ដ៏ខ្ពង់ខ្ពស់របស់សម្តេចតេជោ ហ៊ុន សែន ប្រធានគណបក្សប្រជាជនកម្ពជា ឯឧត្ដមកិត្តិបណ្ឌិត ហ៊ីង ប៊ុនហៀង ក៏បានណែនាំដល់ប្រធាន អនុប្រធានក្រុមការងារគណបក្សចុះមូលដ្ឋានឃុំទាំង១៨ ទូទាំងស្រុកកណ្តាលស្ទឹង អោយបន្តខិតខំចុះជាប់ផ្ទាល់តាមខ្នងផ្ទះប្រជាពលរដ្ឋ ដើម្បីពន្យល់អំពីការគូសសន្លឹកឆ្នោតអោយបានត្រឹមត្រូវស្របតាមច្បាប់កំណត់របស់ គ.ជ.ប ផងដែរ ។